"Азаттыктын" веб-редактору, журналист. 2004-жылы Кыргыз-Түрк "Манас" университетинин журналистика факультетин аяктаган.
Бишкекте «Медиа-форум» комплексинин алдында оппозициялык күчтөрдүн Элдик курултайы саат 11.00 дө башталды. Аталган иш чарага беш миңдей адам чогулуп, “Үй-бүлөлүк башкарууга жол жок!”, “Исмаил Исаковго боштондук!”, “Бүлекбаев, Аргымбаев, Рыскуловго боштондук!”, “Гуревичти сотко!” “Азаттыкка азаттык!” деген ураандар жазылган плакаттарды көтөрүп турушат.
Жогорку Кеңештин төрагасы Айтибай Тагаев Баткен обулусунун губернатору болуп дайындалды. Бул тууралуу 17-декабрда парламент жыйынында Президенттин аппарат башчысы Каныбек Жороев билдирди. Жороев өлкө башчысы Курманбек Бакиев Айтибай Тагаевдин депутат, төрага катары ишмердигин жогору баалай тургандыгын белгилеп, Баткен аймагын жакшы билген киши катары аны бул кызмат ордуна бекитип жаткандыгын айтты.
Жакында эле Казакстандын түндүгүндөгү Костанай облусунда майыптар арасында жумурияттык бий фестивалы өттү. Алгачкы ирээт өткөрүлгөн бул фестивалга алты шаардан түркүн жаш курактагы майыптар катышып, бий өнөрүн көрсөтүштү.
Кытай Коммунисттик бийликтин 60 жылдык мааракесине даярданууда. 1-октябрда Бээжинде мааракеге арналган парад өтөт. Буга байланыштуу өлкөдө былтыркы Олимпиада учурундагыга караганда да катаал коопсуздук чаралары көрүлүүдө.
Бразилиянын Рио-де-Жанейро шаарында Копакабана аттуу белгилүү район бар. Көл жээгинде жайгашкан бул райондун тургундары волейбол жана футбол ойноп дем алышат.
Иран 27-сентябрда орто аралыкка учуучу эки ракетаны сынагандан 1 күндөн кийин, 28-сентябрда, алыс аралыкка жетчү ракетаны сынаганын кабарлады. Расмий Тегеран бул ракеталар Израилге чейин жете аларын ырастоодо.
Ооганстанда өткөн президенттик шайлоодо негизги эки талапкер тең жеңишке жетишкенин айтып чыкканы менен БШК аларды сабырдуулукка чакырып, алдын-ала билдирүүлөрдү жасабаганга үндөдү.
Иран президенти Махмуд Ахмадинежад жаңы кабинеттин курамын парламентке сунуш кылды. Эми парламент 30-августка чейин аны карап чыгышы керек. Бирок айрым байкоочулар президент сунуш кылган тизмедеги кээ бир маанилүү фигуралар парламенттин элегинен өтпөй калышы ыктымал деп эсептешет.
Акыркы мезгилде тажик атуулдарынын Пакистандын аймагында мыйзамсыз жүргөн окуялары көп катталууда. Тажикстандын Пакистандагы элчиси Зубайдулло Зубайдов Пакистанда мыйзамсыз жүргөн тажиктердин көбү бул өлкөгө диний окуу жайларда билим алууга барышканын айтат. Борбор Азиядагы диний кырдаал тууралуу теология илиминин доктору Бакыт Мурзубраимов "Азаттык" менен ой бөлүшөт.
17 жылдан бери тажик атуулдары Пакистанга баруу үчүн визаны 3-4 ай күтүп келген. Жакында эле Пакистандын Ички иштер министрлиги Тажикстанды “кара тизмеден” чыгарды. Айрым адистер муну менен Тажикстанда радикал диний агымдардын саны көбөйөрүн эскертишүүдө.
Орусия менен Грузиянын ортосундагы согушка бир жыл толду. Азыркыга чейин Москва менен Тбилиси согуштун башталышы үчүн бири-бирин айыптап келишет.
Июль айында Польшанын Краков шаарында Европа жаштарынын башын бириктирген жайкы окуу өттү. Ага учурда Түркиянын Стамбул шаарында билим алып жаткан кыргызстандык студент Надира Момбекова да чакырылды. Жайкы окуудан кийин Надира Чехиянын ордо калаасы Прагага келип, “Азаттык” үналгысына маек куруп берди.
Кыргызстандын саясий жана социалдык турмушунда активдүү роль ойногон жаштардын саны күн санап өсүүдө. Мындай жаштар өлкөдө болуп жаткан окуяларга сырттан байкоо салууну каалашпайт. Июль айынын башында Чехиянын ордо калаасы Прагага Лидерлердин жайкы мектебине Кыргызстандан үч студент келишти. Элнура Сулайманова, Миргүл Каримова жана Юлия Аманбаева – Борбор Азиядагы Америка университетинин студенттери. Прагага келген кыргызстандык студенттер “Азаттык” үналгысынын баш кеңсесине да баш багып, гендердик саясат, Европа менен Азиялык жаштардын ортосундагы айырма, Кыргызстандын саясий турмушундагы окуялар тууралуу пикирлери менен бөлүшкөн.
4-июлда АКШда Эгемендүүлүк майрамы белгиленип жаткан чакта Түндүк Кореянын коммунисттик режими кыска диапозондуу жети баллистикалык ракетаны учурду. Түштүк Корея жана Жапония бул соңку ракеталык сынактарды провокациялык, козуткуч аракет катары баалады.
28-июнда Казакстанда Журналисттердин фестивалы өттү. Бирок укук коргоочулар бул өлкөдө сөз эркиндиги кысымга алынып жатканын айтышып, коңгуроо кагышууда.
12-июнда Иранда өткөн президенттик шайлоодон кийин башталган нааразылык акцияларды бийлик күч менен басып, демонстранттарды куугунтуктады. Акыркы эки аптада Иранда миңден ашуун журналисттер, саясатчылар, студенттер жана укук коргоочулар камакка алынды. Айрымдар бийликтин кысымына чыдай албай мурдагы турумдарынан баш тартууга мажбур болушту. Бийлик кысымына кабылган студенттердин лидери “Азаттык” үналгысынын кабарчысы менен баарлашкан.
12-июнда Иранда өткөн президенттик шайлоодон кийинки нааразылык акциялары дүйнөлүк массалык маалымат каражаттарынын көңүл чордонунда. Жүз миңдеген киши катышкан демонстрациялар өзгөчө америкалык интернет баракчаларда, блогдордо байма-бай чагылдырылып жатат. Алардын бири – The Huffington Post баракчасынын редактору Нико Питни (Nico Pitney) Ирандагы окуялар боюнча тасма, сүрөттөрдү жана маалыматтарды үзбөй жарыялоодо.
Адатта кайсы бир өлкөнүн Евробиримдикке төрагалык кылуусу катардагы көрүнүш катары кабыл алынып келген. Бирок Чехиянын акыркы алты айдагы Евробиримдикке төрагалык кылуусу бир топ опсуз окуялар менен коштолду. Чехиянын төрагалыгы кандай өттү?
1-июлда Сербиянын байтактысы Белградда XXV Жайкы Универсиада башталат. 12 күнгө созула турган Универсиадада спорттун 15 түрү боюнча таймаштар өткөрүлөт. Студенттердин бул дүйнөлүк спорт салтанатына 150 өлкөдөн 9 миң 500 спортчу студенттер катышат.
28-июнда Гондураста аскердик төңкөрүш болду. Козголоңчулар өлкө башчысы Мануэл Селайяны таң эрте камакка алып, өлкөдөн чыгарып жиберишкен. Гондурастын парламенти демократиялык жол менен тандалган Селайянын ордуна убактылуу президентти дайындады.
Дагы жүктөңүз
