Мурдагы советтик тактикалык балистикалык ракеталардын түрүнө окшогон бул ракеталар, Түштүк Кореянын Штаб жетекчилеринин бириккен комитетинин ырасташынча, 4-июлда таңга жуук Түндүк Кореянын чыгыш жээгинен учурулуп, алар Жапон деңизине келип түшкөн.
Түштүк Кореянын Куралдуу күчтөрү Пхеняндын бардык коркутуп-үркүтүүлөрүнө жана чагымчыл аракеттерине жооп кайтарууга даярдыгын ишембиде билдирди.
Түштүк Корея жана Жапония бийликтери Пхеняндын ракета сынактарын БУУнун жакында эле кабыл алган чечимине каршы келген чагымчыл аракет катары айыпташты.
Сеулдун тургундарынын Түндүк Кореянын ишемби күнкү ракета сынактарына карата пикирлери ар башка болду. Айрымдар Пхеняндын аракеттерине тынчсыздануусун билдиришти. Бирок 38 жаштагы На Ги-Тэ буга негиз жок дейт:
- Мен Түндүк Кореянын чагымчыл аракеттери Корей жарым аралындагы тынчтыкка коркунуч жаратат деп ойлобойм. Себеби мен Түштүк Кореянын аскердик жөндөмдүүлүгүнө жана эл аралык коомчулуктун тийешелүү чара көрүү үчүн даяр экенине ишенем. Менимче, Түндүк Корея ракеталарды өзүнүн ички саясатына байланыштуу сынаган болушу ыктымал.
2-июлда Түндүк Корея кыска аралыкка жетчү төрт ракетаны учурган. Бул ансыз да Пхеняндын эл аралык коомчулук менен чыңалган мамилелеринин курчушуна алып келди. Маалым болгондой, Пхенян май айында жер алдында өзөктүк дүрмөт жардырган. Апрелде болсо узак аралыкка жетчү ракетаны сынаган.
12-июнда Бириккен Улуттар уюму Түндүк Кореяга каршы катаал чектөөлөрдү киргизген. Бир добуштан жактырылган чектөөлөргө ылайык, Түндүк Кореяга тыйуу салынган курал-жарактар ташылып кирилишине жол койбоо үчүн аба, деңиз жана кургактык аркылуу ташылып жаткан жүктөргө өтө катаал көзөмөл жүргүзүлмөкчү.
Түндүк Корея жетекчилиги өлкөнүн армиясы согуштук аракеттерге жооп кайтарууга даяр деп эскертип келетЧектөөлөргө ачууланган Түндүк Корея жетекчилиги өз аскерлери өз кемелерин кармап текшерүү аракеттерин өлкөгө согуш жарыялоого тете деп баалай тургандыгын эскерткен.
Ошондой эле Түндүк Корея жетекчилиги уранды байытуу иштерин тездетип, буга чейин өндүрүлгөн плутонийдин корун бомба жасоо үчүн жумшай турганын билдирген.
Адистердин баамында, Пхеньяндын карамагындагы байытылган плутоний кору дээрлик 7-8 өзөктүк дүрмөт даярдоого жетишээрлик.
Түштүк Кореянын Куралдуу күчтөрү Пхеняндын бардык коркутуп-үркүтүүлөрүнө жана чагымчыл аракеттерине жооп кайтарууга даярдыгын ишембиде билдирди.
Сеулдун тургундарынын Түндүк Кореянын ишемби күнкү ракета сынактарына карата пикирлери ар башка болду. Айрымдар Пхеняндын аракеттерине тынчсыздануусун билдиришти. Бирок 38 жаштагы На Ги-Тэ буга негиз жок дейт:
- Мен Түндүк Кореянын чагымчыл аракеттери Корей жарым аралындагы тынчтыкка коркунуч жаратат деп ойлобойм. Себеби мен Түштүк Кореянын аскердик жөндөмдүүлүгүнө жана эл аралык коомчулуктун тийешелүү чара көрүү үчүн даяр экенине ишенем. Менимче, Түндүк Корея ракеталарды өзүнүн ички саясатына байланыштуу сынаган болушу ыктымал.
2-июлда Түндүк Корея кыска аралыкка жетчү төрт ракетаны учурган. Бул ансыз да Пхеняндын эл аралык коомчулук менен чыңалган мамилелеринин курчушуна алып келди. Маалым болгондой, Пхенян май айында жер алдында өзөктүк дүрмөт жардырган. Апрелде болсо узак аралыкка жетчү ракетаны сынаган.
12-июнда Бириккен Улуттар уюму Түндүк Кореяга каршы катаал чектөөлөрдү киргизген. Бир добуштан жактырылган чектөөлөргө ылайык, Түндүк Кореяга тыйуу салынган курал-жарактар ташылып кирилишине жол койбоо үчүн аба, деңиз жана кургактык аркылуу ташылып жаткан жүктөргө өтө катаал көзөмөл жүргүзүлмөкчү.
Ошондой эле Түндүк Корея жетекчилиги уранды байытуу иштерин тездетип, буга чейин өндүрүлгөн плутонийдин корун бомба жасоо үчүн жумшай турганын билдирген.
Адистердин баамында, Пхеньяндын карамагындагы байытылган плутоний кору дээрлик 7-8 өзөктүк дүрмөт даярдоого жетишээрлик.
