№69 Балыкчы шайлоо округунда өткөн парламенттик шайлоодо жеңишке жетишкен Рысбек Акматбаевди депутат катары каттоону Борборшайлооком соттук териштирүүлөр соңуна чыккыча убактылуу токтотту. Төрага Туйгунаалы Абдыраимов бүгүн ушундай билдирүү менен чыкты. Ушул эле маалымат жыйынында төрага Рысбек Акматбаев аны жана айрым БШК мүчөлөрүн коркутуп-үркүтүп жаткандыгын кабарлады.
Кыргыз бийлиги март ыңкылабы алдыга койгон талаптарды аткарууга киришмейинче нааразылык акциялары токтобойт. «АКИпресс» агенттигинде уюштурулган маалымат жыйынында жарандык коомдун, саясий партиялардын айрым өкүлдөрү ушундай билдирүү жасашты. Алар мамлекет башчыны элдик ыңкылап алдыга койгон талаптарды чукул аткарууга чакырышты.
Кыргызстандагы бир катар бейөкмөт уюмдары менен саясий партиялар тынч максатта жөө жүрүш жана митинг өткөрүү камын көрүп жатышат. Сегизинчи жана он экинчи апрелде өтөрү күтүлүп жаткан бул акцияларда өлкөдө мыйзамдуулукту сактоо, кылмыш дүйнөсү менен бийликтин кошулуп кетишине жол бербөө ураандары чакырылат.
Жерүй алтын кенинде жумушсуз калган жарандар 8-апрелде Талас шаарында бийликтен убадасын аткарууну талап кылып, нааразылык чарасын уюштурган жатышат. Буга чейин Жерүй алтын кенинин жумушчуларынын жоон тобу бир нече күн Бишкекте өкмөт үйүнүн алдында пикетте турушкан.
Европа Биримдигинин Борбор Азия боюнча өкүлү Ян Кубиш бүгүн Кыргызстанга cаясий партиялардын, жарандык коомдун өкүлдөрү менен жолугушаары күтүлүп жатат. Евробиримдиктин өкүлү Бишкекке кечээ үч күндүк сапар менен келген.
Бүгүн Европа Биримдигинин Борбор Азия боюнча өкүлү Ян Кубиш бүгүн Кыргызстанга үч күндүк иш сапары менен келди. Иш сапардын алкагында өкүл мамлекеттик жетекчилер, саясатчылар, жарандык коомдун өкүлдөрү менен жолугушаары күтүлүүдө.
Рысбек Акматбаевдин Жогорку Кеңешке депутаттыкка талапкердик укугун калыбына келтирген Биринчи май райондук сотунун чечими негизсиз. БШК төрагасы дүйшөмбү күнү ушундай билдирүү менен чыкты. Анын айтымында, Жогорку Сотко кайрылууну чечкен Боршайкомго Биринчи май райондук соту тарабынан тоскоолдуктар болуп жатат.
№69 Балыкчы шайлоо округунан талапкер болуп катталган Рысбек Акматбаевдин жарышка катышуу укугунан ажыратылышы өтүп бараткан аптадагы коомчулуктун көңүлүн бурган ири окуя болду. Мындай чечимди кабыл алууда башкы орунду Борбордук шайлоо комиссиясынын төрагасы Туйгунаалы Абдыраимов ээледи. Кыйла убакыттан бери арабөк келаткан бул маселеге байланыштуу шайлоо комиссиясынын жана тиешелүү тараптардын өкүлдөрүнүн күтүүсүз чакырылышы байкоочуларда ушундай пикирди жаратты.
Бүгүн Рысбек Акматбаевдин тарапкерлери Бишкекте нааразылык акциясын уюштураары күтүлүп жатат. Рысбек Акматбаевдин депутаттык жарыштан чыгарылганына нааразы болуп Балыкчы шаарында жана Ысыккөл районунун бир нече айылында көчө акциясына чыккандар кечээ кечинде ушундай чечим кабыл алышкан болчу.
Борбордук шайлоо комиссиясы бүгүн №69 Балыкчы шайлоо округунан депутаттыкка ат салышып жаткан Рысбек Акматбаевди талапкердик укугунан ажыратты.
Европа Коопсуздук жана Кызматташтык уюмунун азыркы төрагасы Карел де Гухт кечээ кечинде Бишкектен Ашкабадка сапар алды. Таанышуу сапарынын алкагында Кыргызстанда ал расмий бийликтин, коомдук-саясий чөйрөнүн өкүлдөрү менен жолугушту. Иш сапардын соңунда төрага журналисттер үчүн пресс-конференция уюштурду.
Кыргыз өкмөтү тышкы карыздарды Хипик (HIPC - Heavily Indebted Poor Countries) программасы аркылуу жоюу маселеси боюнча акыл калчап турган чагы. Бирок, бул демилге коомчулукта бир тараптуу колдоого ээ болгон жери жок. Кыйла талдоочулар муну өлкөнүн аброюна доо кетире турган жаңылыш кадам катары баалап жатышат.
Бишкек шаардык соту Рысбек Акматбаев баштаган топко байланыштуу маркум Чыныбек Алиевдин туугандарынын арызын кароону убактылуу токтотту. Мындай чечим чыгарууга Рысбек Акматбаевдин Жогорку Кеңешке депутаттыгына талапкер болуп катталышы негиз болуп берди.
Кыргызстанда 24-мартты майрамдоо боюнча уюштуруу комитети бул күндү иш күн эмес деп жарыялоо тууралуу сунушун өкмөткө тапшырды. Анын негизинде өкмөт чечим кабыл алары күтүлүүдө. Ал эми парламент мүчөлөрү муну мыйзамга төп келбейт деп эсептешет.
Коммунист-саясатчы, президенттик администрация башчысы Үсөн Сыдыков - Курманбек Бакиевдин бийлигин бекемдөөгө салмактуу салым кошкондордун бири. Анын администрация башчылыгына келиши эң ириде ыңкылап маалында сиңирген эмгеги менен байланыштырылат. Мурдагы президент Акаевден катуу ыдык көрүп калган катаал мүнөздүү коммунист Сыдыков мурдагы бийликти кулатып, өзүнө ыңгайлуу жетекчинин бийликке келиши үчүн катуу жан үрөгөнү тууралуу ыңкылап маалында кыйла эле айтылды. Бул жараянга моралдык эле эмес, материалдык да бараандуу колдоо көрсөткөндүгү тууралуу имиштерди саясатчы өзү төгүндөгөнү менен, бул эл оозунда ылакап болуп аликүнчө жашоосун улантууда.
Жогорку Кеңештин төрагасы Марат Султанов менен кабарчыбыз Бурулкан Турдубек кызы жаңы төраганын жүргүзө турган саясаты, парламенттин иш багыттары, бай жана кызуу кандуу саясатчы саналган депутаттын кандай төрага болору тууралуу маектешти.
Дүйшөмбү күнү Жогорку Кеңештин төрагасы Өмүрбек Текебаев ээлеген кызматынан Эмгек кодексинин негизинде кетери тууралуу арыз менен Жогорку Кеңештин сессиясына кайрылаары күтүлүүдө. Төраганын кызматтан кетишине байланышкан жаңы жагдай парламенттеги саясий кырдаалга кандай таасир этиши мүмкүн?
Акыркы учурда Кыргызстанда мамлекеттик башкарууну күчтөндүрүү керектигин жергиликтүү саясатчылар эле эмес, айрым чет өлкөлүк серепчилер да жиликтеп талдай башташты. Саясатчылар убактылуу авторитардык башкаруу киргизилбесе, мамлекеттин тамырына доо кетиши мүмкүн деп болжошууда. Бирок, демократтар Кыргызстан үчүн артка кетүүгө жол жок деп санашат.
Төрага Өмүрбек Текебаевдин ордунда калышы өлкөдөгү саясий кырдаалды кайсы өңүткө бурушу ыктымал? Бул парламенттеги төраганын отставкасына байланышкан добуш берүүдөн кийин коомчулук көңүл бурган негизги маселелердин бирине айланууда.
Жогорку Кеңеш дүйшөмбү күнү жашыруун добуш берүүнүн натыйжасында Өмүрбек Текебаевди төрага кызматында калтыруу жөнүндө чечим кабыл алды. Текебаевдин төрагалыктан кетиши үчүн 34 депутат добуш берди. Регламент боюнча арызды канагаттандырууга 38 добуш талап кылынат. Ошентип, төраганын кызматтан кетишине төрт добуш жетпей калды.
Дагы жүктөңүз
