"Азаттыктын" Бишкектеги бюросунун кызматкери, журналист, педагог-режиссер.
Кыргыз диаспораларынын “Замандаш” эл аралык ассоциациясынын конференциясында чет жакта жүрүшкөн эмгек мигранттарынын көйгөйлөрү, мекенинен сыртта ишкерлик кылып жүрүшкөн атуулдардын Кыргызстандын экономикасын көтөрүүгө салым кошуу демилгеси талкууланды. Айрым ишкерлердин айтымында, Кыргызстанга инвестиция тартууда же айыл чарбасын кайра иштетүүчү ишкана ачууда бюрократиялык бут тосуулар болууда. Президенттин администрациясынын тышкы саясат боюнча бөлүмүнүн башчысы Ислам Рыскулов болсо өлкөнүн экономикасын көтөрүүгө жардам берүүнү каалаган мекендештерге бийлик тарабынан ар тараптуу колдоо көрсөтүлөөрүн билдирди.
Бишкектеги Максим Горькийдин эстелигинин жанында элүүгө чукул эмгек арадгерлери митинг өткөрүштү. Алар өкмөттөн жана шаар бийлигинен коомдук транспортто бекер жүрүүнү, коммуналдык төлөмдөр боюнча жеңилдиктерди мурдагы калыбына келтирүүнү талап кылышты. Ардагерлер азык-түлүктүн кымбатташы менен жашоо-тиричиликтеринин оордогонун айтышып, мамлекет пенсияны жогорулатуу керектигин айтышты. Ал эми шаар мэри Данияр Үсөнов маалымат жыйынын өткөрүп, ардагерлерге бийлик тарабынан жардамдар көрсөтүлүп жатканын, жаңыдан киргизилген 200 сомдук жол киреге берилүүчү жөлөк пул ардагерлерге жетиштүү болоорун билдирди.
Бишкек шаардык ички иштер башкармалыгында “Де-факто” гезитине 12-июнда Салык кызматынын жетекчилерине байланыштуу чыккан макала боюнча тергөө амалдары башталды. Шаар прокурору Айбек Турганбаев аталган гезитке мыйзамдын чегинде факты боюнча кылмыш иши козголгонун билдирди. Көз карандысыз журналисттер жана “Ата Мекен” партиясы муну саясий куугунтук катары баалап, бийликтин гезитти жабуу аракети катары эсептешүүдө.
Бүгүн Кыргызстан эли замандын залкар жазуучусу, гуманист Чыңгыз Айтматов менен коштошту. Токтогул Сатылганов атындагы филармонияда өткөрүлгөн аза күтүү зыйнатында президент баш болгон мамлекеттик кызматкерлер, чет мамлекеттерден келишкен меймандар, миңдеген шаар тургундары катышты.
Адам укуктары боюнча Норвегия-Хельсинки комитетинин Бишкектеги кеңсесине Ички иштер министрлигинин 9-бөлүмүнүн эки кызматкери жана дагы өздөрүн тааныштырбаган эки адам кирип, паспортторун жана визаларын текшерүүгө алышты. Муну айрым жарандык коомдун өкүлдөрү адам укугун коргоо жаатындагы эл аралык уюмдарга жасалган кысым катары баалашып, тартип коргоо кызматкерлеринин --> http://rfe.azattyk.org/rubrics/human_rights/ky/2008/03/6CCBE405-3C8D-443E-AED4-3A352BCDDFA9.asp аракетин мыйзамсыз деп эсептешүүдө.
Кыргыздын чыгаан уулдарынын бири, белгилүү коомдук-саясий жана маданий ишмер Дооронбек Садырбаев --> http://rfe.azattyk.org/rubrics/society/ky/2008/05/781A1E3D-6F5F-4C7B-93F8-11047E5CFF23.asp менен коштошуу расмиси бүгүн Токтоболот Абдымомунов атындагы кыргыз академиялык драма театрында өттү. Дооронбек Садырбаев 27-майда Чүй облустук ооруканасына оор абалында түшүп, бир күн өтпөй каза тапкан. Садырбаев кийинки жылы 70 жашка чыкмак.
Бишкекте V Бүткүл дүйнөлүк суу форумунун алкагында эл аралык конференция өтүүдө. Анда Орто Азиядагы суу ресурстарын --> http://rfe.azattyk.org/rubrics/economics/ky/2008/05/DB0254B5-3F14-42C2-AA9E-5083AC46142A.asp пайдалануу жана өнүктүрүү, климаттын өзгөрүүсүндөгү көйгөйлөр козголууда. Айыл, суу чарба жана кайра өндүрүү министри Арстанбек Ногоев жыйында сууну товар катарында кароо маселеси козголорун билдирди. Аталган конференцияны уюштуруп жаткан Түркия өкмөтүнүн айлана-чөйрө жана токой чарбасы боюнча министри Вейсел Эроглу суу маселесинен башка эки өлкөнүн ортосундагы кызматташтыкты мындан ары өркүндөтүү багытында өлкө башчысы Курманбек Бакиев менен жолугушууда кеп болорун кошумчалады.
26-майда Бишкектин Биринчи май райондук соту Эркин Мамбеталиевди --> http://www.azattyk.org/rubrics/politics/ky/2004/05/fa6005bb-4aa8-4a3d-89d1-257a2199e652.asp өмүрүнүн акырына чейин абакка кесүү өкүмүн чыгарды. Мамбеталиевдин жубайы жана бир туугандары сот акыйкатсыз чечим чыгарганын айтышып, жогорку сот инстанцияларына кайрылышарын “Азаттыкка” билдиришти. Бул ишти караган райсоттун судьясы Жылдызбек Кудаяров өкүм күчүнө киргенге чейин комментарий берүүдөн баш тартты.
Бишкек шаарынын Ленин райсоту 6-майда архитектура жана курулуш боюнча мамлекеттик агенттиктин мурдагы жетекчиси Ишенбай Кадырбековду --> http://rfe.azattyk.org/rubrics/politics/ky/2008/03/6B81EE6A-4EF5-4810-820C-9E31F5BD72B4.asp убактылуу кармоочу жайга камоону бир айга узарткан чечимин чыгарды. Кадырбеков жана анын жактоочусу райсоттун мындай чечимин саясий тапшырма деп эсептейт. Каржы полициясынын Тергөө башкармалыгынын жетекчи орунбасары Ислам Боров мунун артында эч кандай саясий маселе жоктугун, Кадырбековго кызмат абалынан кыянат пайдаланганына байланыштуу кылмыш иши козголгонун билдирди.
Бүгүн Конституциянын кабыл алынганынын 15 жылдыгын белгилөө салтанатында президент Курманбек Бакиев өткөн жылы октябрда референдум менен кабыл алынган Баш мыйзамдын жаңы редакциясы элдин кызыкчылыгы үчүн иштеп, өлкөдө мыйзамдуулук орноорун белгиледи. Айрым саясатчылар болсо 1993-жылы 5-Майда кабыл алынган Конституция --> http://rfe.azattyk.org/rubrics/politics/ky/2008/05/B13EAB1C-C6BB-449E-8E9A-6EF0DF9A1E7A.ASP мамлекеттин, элдин кызыкчылыгы үчүн эмес, бир ууч адамдардын кызыкчылыгы үчүн бир нече жолу оңдолуп, баркы кеткенин айтышууда.
Кыргызстан коммунисттер партиясынын лидери Искак Масалиев 1-Май --> http://rfe.azattyk.org/rubrics/society/ky/2008/05/3E5A622B-6861-4D86-8491-F027A516822D.ASP мамлекеттик майрам болгондон кийин өкмөт аны жогорку деңгээлде өткөрүүгө милдеттүү экендигин, бирок бийлик аны аткарбай жатканын билдирди. Анын айтымында, эмгекчилерин тилектешетигинин күнүн коммунистик майрам деп бөлбөй жалпы элдик майрам катары өткөрүү зарыл. Шаар башчысы Данияр Үсөнов болсо бул майрамдык иш-чараны өткөрүүгө жергиликтүү бийлик мурдагыдай эле аракеттерди көрүп жатканын белгиледи.
18-апрелде парламентте Кыргызстан коммунистер партиясы менен СДП мамлекеттик менчиктерди менчиктештирүү --> http://www.azattyk.org/rubrics/economics/ky/2008/02/9266170F-0784-4839-99C4-C1808F30825A.ASP жөнүндө мыйзамга өзгөртүүлөрдү киргизүү боюнча долбоорго каршы болушуп, “Ак жол” партиясын бул маселени шашпай карап чыгууга чакырды. Алар буга чейинки менчиктештирүү өлкөнүн экономикасына терс таасирин тийгизгенин белгилешти. Кызуу талкуудан кийин “акжолчулардын” көпчүлүк добушу менен аталган мыйзам долбоору кабыл алынды. Маммүлктүн жетекчиси Турсун Турдумамбетов бул мыйзамга өзгөртүүлөрдү жана толуктоолорду киргизүү менен замандын талабына ылайык алдыга коюлган маселелерди чечүүгө мүмкүнчүлүк түзүлөөрүн билдирди.
Кечээ (17-апрелде) Укук коргоочулардын координациялык кеңеши энергетика тармагын менчиктештирүүгө байланыштуу чукул жыйын өткөрүшүп, бийликти стратегиялык обьектилерди менчиктештирүүнү токтотууга чакырып президентке жана өкмөт башчыга кайрылуу жолдошту. Ал эми энергетика --> http://rfe.azattyk.org/rubrics/economics/ky/2008/04/8AC1B289-C3B4-49A7-AA7C-78BE6D0744AB.asp , отун ресурстары боюнча министрдин орун басары Акылбек Түмөнбаев Улуттук энергетика программасы учурдун талабы экендигин, аны менен укук коргоочулар толук таанышып чыкпай эле коомчулукка чуу көтөрүп жатат деген көз карашын билдирди.
Бүгүн “Акыйкат үчүн” коомдук кыймылынын координациялык кеңеши жыйын өткөрүп, Элдик курултайдын --> http://rfe.azattyk.org/rubrics/politics/ky/2008/04/C2B4D615-DB9B-4D3F-AB42-19C32314507C.asp өтүшүнө баа берип, кыймылдын алдыда аткара турган иштери талкууланды. Анда кийинки аптадан баштап курултайдын жыйынтыгы жөнүндө маалыматты алыскы аймактарга жеткирүү, облустарда Коомдук парламенттин штабын ачуу маселеси каралды. Ошондой эле Элдик курултай тууралуу УТРК так эмес маалымат бергенине нааразы болушуп билдирүү таратты. Ал эми УТРКанын маалымат-аналитикалык программасынын баш редактору Рахат Сулайманов аталган кыймылдын телеканалга карата айтылган сын-пикирлерге макул эмес.
Бүгүн “Акыйкат үчүн” коомдук кыймыл өткөргөн Элдик курултайда --> http://rfe.azattyk.org/rubrics/politics/ky/2008/04/47D31EEB-C4AE-48DD-B65A-D3D4551D8D3B.ASP өлкөдөгү саясий-экономикалык кырдаалга баа берилип, азыркы бийликтин иш аракеттери сынга алынды. Жарыш сөзгө чыккандар өткөн жылдагы парламенттик шайлоонун бурмаланып өткөнүнө, Жогорку Кеңештин кыргыз-казак чегарасы, Ысыккөлдөгү төрт пансионаттын ратификациялашына нааразылыгын билдиришти. Баанын кымбатташы, азык-түлүк коопсуздугу, энергетика тармагындагы көйгөйлөр, миграция маселеси көтөрүлдү.
Эртең 12-апрелде Бишкектеги Спорт ордосунда Элдик курултай өткөрүлөт. “Акыйкат үчүн” коомдук кыймылынын координациялык кеңеши бүгүн уюштуруу маселесин талкуулап, негизинен курултай өткөрүүгө даяр экендиктерин билдиришти. Курултайга жалпысынан бир жарым миңге чукул делегаттын келүүсү күтүлүүдө. Жыйында өлкөдөгү саясий-экономикалык абал, азык-түлүк коопсуздугу, энергетика маселеси талкууланып, жыйынтыгында резолюция кабыл алышмакчы. Ички иштер министри Молдомуса Конгантиев тартип коргоо кызматкерлери курултайдын коопсуздугун камсыз кылууга даяр экендигин “Азаттыкка” билдирди.
Бүгүн “Акыйкат үчүн” коомдук кыймылынын мүчөлөрү “Ата бейит” тарыхый комплексине барып репрессиянын курмандыктарына гүл коюшуп таазим кылышты. Алар өлкөдө акыйкаттык, адилеттик, туруктуулук болсун дешип арбактарга бата кылышты. Кыймылдын айрым мүчөлөрү кабарчыбыз менен баарлашууда өлкөдө авторитардык, диктатуралык режимге жол берилбестигин белгилешти. Президенттин басма сөз кызматынын жетекчиси Досалы Эсеналиев бул иш чараны саясатташтырбай, мамлекеттин экономикасын көтөрүү багытында бардык күчтөр биргеликте иш алып барышса элге пайда алып келет деген көз карашта.
Ата бейит тарыхый комплекси 2000-жылы июнь айында ачылган. Ал жерде 1938-жылы ноябрь айында сталиндик репрессиянын курмандыгы болгон, “эл душманы” деп аталган Кыргызстандын 137 жаранынын сөөгү жашырылган.
Бүгүн Жогорку Кеңеште “Саясий партиялар жөнүндөгү” мыйзам долбоору талкууланды. Анда парламентке өткөн саясий партияларды мамлекеттик камкордукка алуу, саясий партияны түзүүнүн шарттары, максаттары аны түзүүнү чектөө жана башка жоболорду киригзүү сунушталган. Депутаттардын демилгечи тобунун айтымында, бул мыйзам долбоору өлкөдөгү саясий партиялардын өнүгүүсүнө шарт түзөт. Ал эми айрым саясий партиялар болсо бул мыйзам долбоору бийликчил партиянын гана кызыкчылыгын көздөөрүн айтышууда.
Дагы жүктөңүз
