"Азаттыктын" Прагадагы кеңсесинин кызматкери. Кыргыз улуттук университетинин чет тилдер факультетин аяктаган.
Ливия армиясынын башкы командачысы аскерлерге борбор шаарды алууга буйрук берди.
Вашингтондогу мааракелик иш-чараларга НАТО мамлекеттеринин тышкы иштер министрлери катышууда.
Орусияда Санкт-Петербург шаарынын метросунда жардыруу уюштурган деп шектелгендердин соту башталды. Арасында кыргызстандык ага-ини Азимовдор бар. Казакстандын Алматы шаарынын райондук сотунда прокурор Жогорку кеңештин мурдагы депутаты Дамирбек Асылбек уулун 12 жылга эркинен ажыратууну суранды.
АКШ Түркияны F-35 согуш учактары үчүн жабдуу менен камсыз кылууну убактылуу токтотту. Вашингтон Анкарадан орусиялык ракета системасын сатып алуу боюнча чечиминен баш тартууну талап кылууда.
Бир нече чоң шаарда, анын ичинде баш калаа Анкарада жеңилип калганына карабай түрк президенти Режеп Тайып Эрдоган анын партиясы муниципалдык шайлоодо утканын билдирди.
Алжирде куралдуу күчтөрдүн Башкы штабынын жетекчиси президент кызматын аткара албайт деп жарыялоого жол ачкан Конституциянын тиешелүү беренесин колдонууга үндөдү.
Орусиянын бир нече шаарында Кемероводогу “Зимняя вишня” соода борборунда болгон трагедиянын жылдыгын эскеришти.
Өткөн дем алыш күндөрү орус аба күчтөрүнүн эки учагы Каракаска конгону тууралуу маалыматты Венесуэланын расмий өкүлү ырастады.
АКШда чоң пара төлөп балдарын Йел, Стэнфорд өңдүү абройлуу университеттерге өткөргөн ата-энелер менен 25 миллион долларлык коррупциялык схемага катышкандарга айып коюлду.
Румыниянын Антикоррупциялык башкармалыгынын мурдагы жетекчиси, паракорлор менен күрөштө атагы башка өлкөлөргө да тараган прокурор Лаура Кодруца Көвеши Евробиримдиктин прокуратурасын жетектөөгө негизги талапкер катары каралууда. Бирок Бухарест өкмөтү ага бут тосуп келе жатат.
Алжирде мамлекет башчы, 82 жаштагы Абделазиз Бутефликанын бешинчи президенттик мөөнөткө ат салышуу ниети элди көчөгө чыгарды. Президент 2014-жылы мээсине кан куюлгандан кийин эл алдына дээрлик чыкпайт.
Туура бир жыл мурда Солсбери шаарында орусиялык экс-тыңчы Сергей Скрипаль жана кызы Юлия “Новичок” деген зат менен ууландырылган. Ал окуя “кансыз согуштан” берки ири “тыңчылар согушуна” алып келди.
Кашмирдеги жаңжалдан улам Пакистан аба мейкиндигин жапканы, миңдеген жүргүнчү эки жакка уча албай аэропорттордо калды.
Ирандын тышкы иштер министри Мухаммад Жавад Зариф кызматынан кетерин жарыялады. Анын бул кадамы Тегеран менен Батыш өлкөлөрү түзгөн атомдук программа боюнча келишимдин тагдырын ого бетер арсар абалга кептеши ыктымал.
Молдовада парламенттик шайлоо болду. Бул өнөктүк Чыгыш Европадагы чакан мамлекеттин болочок багытын аныктамакчы.
Сирия аймагы “Ислам мамлекети” радикал уюмунан тазаланып калды деген маалда туткундалган согушкерлер менен алардын үй-бүлөсү бир катар өкмөттөрдүн баш оорусуна айланды.
24-февралда Лос-Анжелесте Киноиндустриясынын абройлуу Оскар сыйлыгы тапшырылат.
Түрк өкмөтү инфляцияны ооздуктоо үчүн жашылча-жемишти арзан сата баштады. Сынчылар бийлик жергиликтүү шайлоо алдында мындай убактылуу чара менен электораттын көңүлүн алууну көздөйт дешет.
Орусиялык футбол эксперти, «Спорт-экспресс» басылмасынын баяндамачысы Игорь Рабинер Кыргызстан курама командасынын машыктыруучусу Александр Крестининдин иши, негизи эле бул команда тууралуу ойлору менен бөлүштү.
Мода дүйнөсү аза күтүүдө. 19-февралда белгилүү модельер, "Chanel" мода үйүнүн көркөм директору Карл Лагерфелд Париждеги ооруканада 85 жашында көз жумду.
Дагы жүктөңүз
