Билим берүү тармагындагы коррупциялык көрүнүштөрдү алдын алуу жана жоюу иштеринин алкагында Бишкек шаарындагы мектептердин биринде системалуу түрдө коррупция жана акча талап кылуу фактысын аныкталды. Бул тууралуу Улуттук коопсуздук боюнча мамлекеттик комитет (УКМК) билдирди.
Мектептин өкүлү аларга которулууну каалаган окуучу үчүн окууга кирүү акысы катары 10 000 сом жана жардам катары 8 000 сом талап кылып, антпесе киргизүүдөн баш тарткан. Көрсөтүлгөн сумма аркылуу электрондук түрдө которулуп, акча каражаты алынган.
Кыргызстандын мыйзамдарына ылайык, окуучуну мектепке которуу үчүн акчалай төлөмдөр каралбайт.
Бул факты боюнча кылмыш иши козголуп, мектептин жетекчилигинин мыйзамсыз аракеттери аныкталган.
Атайын кызмат бул боюнча мектептеги тергөө амалдарынын сүрөтүн жана видеосун жарыялаган. Канча киши кармалганы такталган эмес.
УКМК билим берүү тармагындагы коррупциялык көрүнүштөргө тиешеси бар адамдарды аныктоо боюнча тергөө иш-чараларын улантууда.
21-августта Бишкек мэриясынын имаратында УКМКнын кызматкерлери борбор калаадагы билим берүү системасынын, мектептердин жана Бишкек шаарындагы мектепке чейинки билим берүү мекемелеринин кызматкерлери менен жолугушкан. Анда алар мектепке кабыл алууда, башка мектептерден которууда жана балдарды бала бакчаларга киргизүүдө коррупциялык көрүнүштөр катталса, катуу чара көрүлөрүн эскертишкен. (ErN)
Дагы караңыз
Өзбекстан Ооганстанда алты миллион долларга медресе куратИранда "Ислам мамлекети-Хорасан" террордук тобунун 14 мүчөсү кармалдыЖарым жылда Орусиядан 92 миң чет элдик чыгарылды Орусиянын Волгоград облусунда абактагылар катаал режимдеги түрмөнү басып алышты Орусияда "бүтүк көз" деп мазакталган спортчу кыз өз жанын кыйганы кабарландыКыргызстандын жогорку окуу жайлары 30 миңдей абитуриентти кабыл алдыКыргызстандын тышкы карызы азайып, ички карызы көбөйдүБишкек шаардык сотунда Кемпир-Абад ишин кароо 30-августка калды Өзгөндө 14 жаштагы кыз төрөп, 21 жаштагы жигит шектүү катары кармалдыУКМК экс-депутат Нургазы Айдаровго издөө жарыялады