Футбол боюнча Европа чемпионатынын плей-офф баскычынынын (1/8 финал) оюндары жыйынтыкталып, чейрек финалга сегиз улуттук курама команда өттү. Чейрек финалдын оюндары 5-июлда башталат.
1/8 финалдын күтүүсүз жыйынтыгын Түркия курамасы көрсөттү. Бул жолку чемпионатта көпчүлүк футбол эксперттери Австриянын оюндарын жогору баалап, "кийинки баскычка өтөт" деген божомолун айтып жатышкан. Бирок түрк курамасы коргоочу Демиралдын эки голу менен Австрияны утуп алды (2:1). Ал эми Нидерланддар Румыниянын ири эсепте утуп (3:0) чейрек финалга өттү. Чейрек финалда ушул эки курама бет келет.
Чемпионаттагы фавориттердин бири саналган Португалия атаандашы Словенияны пенальтилер сериясында гана ута алды. Португалиянын дарбазачысы Диогу Кошта беттештин мыкты оюнчусу болду. Франция 1/8 финалда Бельгияны 1:0 эсеби менен жеңди. Алдыдагы чейрек финалда Франция менен Португалия беттешет.
Плей-оффтун дагы бир сенсациясы Швейцария болду. Алар Европанын учурдагы чемпиону Италия курамасын 2:0 эсеби менен утуп, кийинки баскычка өттү. Чейрек финалдагы атаандаштар:
- Испания – Германия (5-июль, саат 22:00)
- Португалия – Франция (6-июль, саат 01:00)
- Англия – Швейцария (6-июль, саат 22:00)
- Нидерланддар -Түркия (7-июль, саат 01:00)
Германияда өтүп жаткан футбол боюнча Европа чемпионаты 14-июнда башталган. Чемпионатка биринчи жолу 24 өлкөнүн курама командасы катышты.
Жарым финалдык беттештер 9-10-июлга белгиленген. Финалдык оюн 14-июлда өтөт. (АbA)
Дагы караңыз
"Кыргызнефтетрейдерлер": Вагондордун жаңы тобу келди, автогаз тартыштыгы жоюлатУлуттук илимдер академиясынын мурдагы кызматкери Карабаев кармалдыКыргызстанга Швейцариянын тышкы иштер министри келди“Аккула” ат майданын сатуу боюнча экинчи аукцион 11-июлга белгилендиRSF: Каракалпакстанда журналистика жок болуп барататТүркияда сириялык качкындарга каршы чыккан 474 киши кармалдыТашкенттик аял 90 миң долларды нигериялык шылуундарга алдырды Чолпон-Атада БУУнун баш катчысы Гутерриш жарандык коом өкүлдөрү менен жолукту