Казакстанда саясат талдоочу Димаш Алжановго кол салуу аракети болгонун бүгүн 2-июлда «Азаттыктын» казак кызматы жазды. Өзүнүн айтымында, ага белгисиз бирөөлөр Алматы шаарында үйүнүн кире беришинде кол салууга аракет кылышкан.
Окуя шейшембиге караган түнү болгону, эки киши машине менен келип короого токтогону, «Димаш, бул сенсиңби?» деп сурап, ага каршы күч колдонууга аракет кылышканы маалымдалды.
Алжанов полицияга арыз жазганын билдирди. Видео көзөмөл камерасына тартылган тасмадан эки киши ал жашаган коргоого келип, анан качып кетишкенин көрүүгө болот.
Димаш Алжанов – Казакстандын ички жана тышкы саясаты, Астана менен Москванын алакасы, өлкөдөгү саясий абал, активисттердин куугунтукка алынышы, коомчулукта кызуу талкуу жараткан сот иштери тууралуу өз оюн ачык айтып жүргөн саясат талдоочу.
Казакстандык белгилүү оппозиционер активист жана журналист, мекенинде коопсуздугуна коркунуч жаралгандыктан он жыл мурда Украинага көчүп кеткен Айдос Садыковго эки апта мурда Киевде кол салуу болгон. Өткөн түнү ал көз жумганын жубайы тастыктады. Аны атып кеткендер казак жарандары экени айтылууда. (RK)
Дагы караңыз
Москвада Орусиянын курама командасынын теги тажикстандык машыктыруучусу кармалды 2-июль: Гутерриш Кыргызстанда, Цзинпин Казакстанда, Газада кармаш жүрүүдөЧүйдө 3,5 баллдык жер титирөө болду ӨКМ сел боюнча сунуштар аткарылбай калган учурлар бар экенин билдирди