Бириккен Улуттар Уюмунун (БУУ) башкы катчысы Антониу Гутерриш 30-июнда расмий сапар менен Өзбекстандын борбору Ташкент шаарына барды.
Эки күндүк сапар алкагында ал президент Шавкат Мирзиёев жана башка расмий өкүлдөр менен сүйлөшүү жүргүзөрү маалымдалган.
Сүйлөшүүлөрдө Өзбекстан менен БУУ жана анын институттары ортосундагы кызматташтыкты кеңейтүү, глобалдык саясат жана аймактык өз ара кызматташтык маселелерин талкуулоо пландалууда.
Антониу Гутерриш Борбор Азия сапары алкагында Кыргызстанга да келет жана Казакстанга, Тажикстанга, Түркмөнстанга барат. 4-июлда Астанада өтүүчү Шанхай кызматташтык уюмунун (ШКУ) саммитинде сөз сүйлөйт.
Буга чейин БУУнун башчысы Борбор Азияда 2017-жылы болгон.
Гутерриш Кыргызстанда 1-3-июль күндөрү болорун, өлкө президенти Садыр Жапаровдун чакыруусу менен келатканын, ортодогу кызматташтык, эл аралык күн тартибиндеги актуалдуу маселелер талкууланарын президенттик аппараттын тышкы саясат бөлүмүнүн башчысы Муратбек Азымбакиев билдирген. (RK)
Дагы караңыз
Жалал-Абадда төрт жашар кызды зордуктоого шектүү кармалды Түркия: Беш жашар кыз ыдык көрдү деген кабардан кийин качкындарга каршы маанай күчөдү Түндүк Корея жаңы ракеталык сыноо өткөрдү Ноокаттагы селде каза болгон төрт баланын сөөгү Казакстанга жеткирилди