Жалал-Абад шаарында төрт жашар кызды зордуктады деген шек менен 35 жаштагы киши кармалды.
Облустук Ички иштер башкармалыгынын басма сөз кызматы кабарлагандай, окуя тууралуу 24-июнда арыз түшкөн. Тергөөнүн баштапкы маалыматтарына ылайык, көп кабаттуу үйлөрдүн биринде белгисиз киши кичинекей кызды зордуктаган. Ыкчам-иликтөө тобу окуяны тастыктаган далилдерди аныктаган.
Кылмыш-жаза кодексинин 154-беренеси ("Зордуктоо") менен иш козголуп, соттук-медициналык экспертиза дайындалган. Шектүү кармалып, соттун чечими менен эки айга камалды. Тергөө уланууда.
Башкы прокуратуранын маалыматы боюнча, Кыргызстанда 2023-жылы жашы жете электерге карата 406 оор жана өзгөчө оор кылмыш жасалганы аныкталган. Анын басымдуу бөлүгү Чүй облусунда катталган.
Кылмыш иштеринин 160ы зордуктоого байланыштуу. (SE)
