Чүй облусунун Аламүдүн капчыгайында ушул жылдын 13-январынан бери дайынсыз болуп жаткан 28 жаштагы Мукамбеталы Маматалы уулун издөө иши жакындарынын кайрылуусунун негизинде кайра жанданды. Бул тууралуу Өзгөчө кырдаалдар министрлигинин (ӨКМ) басма сөз кызматы билдирди.
3-июнда издөө ишине министрликтин 34 куткаруучусу, Кризистик кырдаалдарда башкаруу борборунан эки куткаруучу жана эки дрон тартылды. Мындан сырткары Ички иштер министрлигинин (ИИМ) 300 кызматкери чыкты.
13-январда Чүй облусунун Аламүдүн капчыгайында (Тёплые ключи) 1996-жылы туулган Мукамбеталы Маматалы уулу дайынсыз жоголгон.
Буга чейин аны издөөгө Өзгөчө кырдаалдар министрлигинин 200дөн ашуун куткаруучусу, кинологдор, ИИМден 100дөн ашуун кызматкер тартылып, 17-январдан 23-январга чейин издөө иши жүргөн. 23-январда издөө иши токтотулган. (BTo)
Дагы караңыз
Түркмөнстан Татарстанга авиа каттамдарын убактылуу токтоттуӨзбекстан: Имамдарга социалдык түйүндөргө чыгууга жана лайк коюуга тыюу салындыМадумаров Зулушевдин кызматтан кетиши тууралуу комментарий бердиСербияда жергиликтүү шайлоодо бийликтеги партия алдыга чыкты Административдик-аймактык реформа мыйзамы күчүнө кирсе, жергиликтүү кеңештер тарайтЛитвада президенттик шайлоодо азыркы башчы Гитанас Науседа жеңдиКыргызстанда 1-класска каттоонун экинчи этабы башталды