Министрлер кабинетинин төрагасынын орун басары Эдил Байсалов мамлекет башчы Садыр Жапаров кийинки президенттик шайлоого катыша турганын билдирди. Бул тууралуу ал 29-январда “Азаттык” радиосунун “Эксперттер талдайт” программасында айтты.
“Президентибиз кийинки шайлоого катышат. Ага Конституция жол берет. Ошондуктан муну орто жолдо таштап койбойт. Ага элибиз да уруксат бербейт. Үмүтү жанган эл алдыдагы үч жылда көп жетишкендиктерге күбө болот”, - деди ал.
Садыр Жапаровдун бийликтеги экинчи мөөнөткө баруу ниети тууралуу президенттин администрациясы азырынча маалымат бере элек.
“Эксперттер талдайт” программасында Садыр Жапаровдун мамлекетти башкарып турган үч жылда жасаган иштери, кетирилген кемчиликтери жана өлкөнүн экономикасы тууралуу талкуу болду.
2021-жылы кабыл алынган Конституция боюнча Кыргызстанда президент беш жылдык мөөнөткө шайланат. Садыр Жапаров 2021-жылы 10-январдагы президенттик шайлоодо дээрлик 80% добуш менен утуп чыгып, 28-январда расмий ишке кирген. (BTo)
Дагы караңыз
Тажикстанда кыргыз жараны "чек арадан мыйзамсыз өткөн" деген негизде кармалууда Кытай жапон жарандарынын визасыз каттамына жол ачууга даяр экенин билдирди Тергөөчү келбегендиктен Олжобай Шакирдин соту 14-февралга жылдыПакистан менен Иран коопсуздукту биргелешип жакшыртууну макулдашыштыКыргыз-Орус славян университетине өзгөчө макам берүү каралуудаПутин бешинчи ирет президенттикке талапкер болуп катталдыМинистрлик “Сапаттын” мугалими дагы 7 окуучуну сабаганы аныкталганын билдирди