Кыргызстанда мурдагы жубайынын кулак-мурдун кескилеп салган адамды өмүрүнүн акырына чейин эркиндигинен ажыратууну талап кылып, change.org сайтында кол топтоо башталды.
20-сентябрда Бишкектин четиндеги Селекция айылында 36 жаштагы Асел Ногойбаеваны мурдагы күйөөсү мыкаачылык менен бычактап, келин оор абалда ооруканага түшкөн. Шектүү кармалып, факт боюнча кылмыш иши козголуп, камакка алынган.
Үрөй учурган окуядан кийин Асел буга чейин зомбулук көрүп, милицияга бир нече жолу арыз менен кайрылганы, кийин ага беш жолу коргоо ордери берилгени белгилүү болгон.
Сокулук райондук сотунун судьясы Кыялбек Токтомаматов Асел Ногойбаеванын мурдагы күйөөсүн 2023-жылы “Зордуктоо” беренеси менен айыптуу деп таап, бирок пробациялык жаза чегерип койгону аныкталган.
Мындай чечимге каршы апелляциялык арыз Чүй облустук сотунда каргашалуу окуя болгондон кийин гана, былтыр 27-сентябрда чукул каралып, пробациялык жаза сегиз жылдык абак мөөнөтүнө алмаштырылган.
Судья Токтомаматов президенттин жарлыгы менен 2023-жылы 1-ноябрда кызматтан алынган.
Башкы прокуратура Асел Ногойбаеванын апелляциялык арызын караган үч судьяны жоопко тартуу боюнча Соттордун тартип комиссиясына сунуш берген. Прокуратура апелляциялык арызды кароо мөөнөтү создукканын жүйө келтирген. Тартип комиссиясы үч судьяга тең сөгүш берген. (BTo)
Дагы караңыз
Ирригация тармагына 2 млрд сомдон кем эмес каражат бөлүнөтКыргызстанда күчү 3,5 баллга жеткен жер титирөө болдуБеларус президентине берилүүчү чексиз кепилдиктер тууралуу мыйзам кабыл алындыИрандагы жардыруу үчүн жоопкерчиликти өзүнө "Ислам мамлекети" террордук уюму алды Пакистан 541 миң ооган жаранын мекенине кайтарганын билдирди