8-сентябрда британ ханышасы Елизавета II Шотландиядагы падышалык жайкы резиденциядагы Балморал сарайында каза болду. Мунун алдында Букингем сарайынын басма сөз кызматы британ ханышасынын ден соолугу начарлап, дарыгерлердин көзөмөлүнө алынганын билдирген.
Балморал сарайына британ ханышасынын тун уулу, тактынын мураскери ханзаада Чарльз жана анын жубайы Камилла, ошондой эле Чарльздын уулу ханзаада Уильям барды.
96 жашында дүйнөдөн кайткан Елизавета II Британияны 70 жыл башкарып, анын бийлиги учурунда 15 премьер-министр алмашты. Өлкөнүн мурдагы колониялары эгемендикке жетишти. Елизавета II Британиянын тарыхында тактыда эң узак отурган жетекчи болуп калды. Ал падыша тактыны 1952-жылы 6-февралда атасы Георгий VI көз жумганда ээлеген. Буга чейинки рекорд анын чоң энелери, тактыда 63 жыл 7 ай отурган ханыша Викторияга таандык.
Елизавета II 6-сентябрда эле Лиз Трассты Улуу Британиянын премьер-министри кылып дайындап, 7-сентябрда министрлер кабинетин бекиткен.
Елизавета II өлкөнүн жаңы премьер-министри менен Шотландиядагы падышалык жайкы резиденциядагы Балморал сарайында жолуккан. Адатта премьер-министрлер Букингем же Виндзор сарайында дайындалат. Бирок бул жолу дарыгерлер ханышанын ден соолугуна байланыштуу Шотландиядан кетпөөнү сунушташкан эле.
Дагы караңыз
Зеленский менен Блинкен Киевде жолугуштуКасмамбетов: зомбулуктун жазасын катаалдаштыруу керек Акыйкатчы Абдрахматова кызын белгисиз бирөө аңдыганын билдирди Украина Харьковдо 20дан ашык калктуу конуш бошотулганын билдирдиАбылгазиев өзүнө козголгон кылмыш иши токтотулганын билдирдиБритан ханышасы Елизавета II дарыгерлердин көзөмөлүнө алындыПутин келерки аптада Өзбекстанда Си Цзинпин менен жолугушатАКШнын мамлекеттик катчысы Блинкен Киевге барды"Ихсандын" жетекчиси Акинай Бекмурзаеванын абактагы мөөнөтү узартылдыБУУнун Өнүктүрүү программасы: дүйнөдө жакырчылык күчөдү