Бириккен Улуттар Уюмунун (БУУ) жакырчылык менен күрөшүү жана туруктуу өнүгүүгө көмөктөшүү программасы былтыр дүйнөдө он өлкөнүн тогузунда жашоо-шарт кескин начарлап кеткенин билдирди.
8-сентябрда БУУнун Өнүктүрүү программасынын (ПРООН) өкүлдөрү адамдык өнүгүү индекси дүйнөдө эки жыл катары менен төмөндөгөнүн, бул көрсөткүч 32 жылдын ичинде биринчи жолу начарлап, 2016-жылдагы деңгээлге түшкөнүн кабарлады.
ПРООНдун маалыматына караганда, буга COVID-19 жана Украинадагы согуш кесепетин тийгизди.
ПРООНдун индекси боюнча Швейцария жана Америка Кошмо Штаттары дүйнөдөгү эң өнүккөн мамлекеттердин ичинен биринчи сапка чыкты. Эң төмөн баллды Африканын үч өлкөсү: Нигер, Чад жана Түштүк Судан алды. Индекске ылайык, теңсиздиктен эң көп Латын Америкасы, Кариб деңизи, Сахаранын түштүгүндөгү Африка жана Түштүк Азия жапа чегүүдө.
