Чек ара: Аркадагы азыркы турмуш

Кыргыз-тажик чек арасында бир ай мурда болгон куралдуу жаңжалдан кийин аймакта акырындап жашоо өз нугуна түшө баштагандай. Максаттыктар түлөө өткөрүп, үй-жайларынын пайдубалын түптөп жатса, дүкөндөрү өрттөнүп кеткен Арка айылынын тургундары бирин-серин жол жээгиндеги соода-сатыгын жанданта баштады. Жаңжалда Аркада элүүдөй коммерциялык жай өрттөнгөн.