15-ноябрда Социалдык фонддун жана Милдеттүү медициналык камсыздандыруу фондунун 2020-жылга бюджети жана 2021-2022-жылдарга божомолу жөнүндө мыйзам долбоору талкууланат.
Парламенттик талкууга мамлекеттик жана жергиликтүү өз алдынча башкаруу органдарынын, өкмөттүк эмес уюмдардын, жарандык коомдун өкүлдөрү катышат.
Өлкөнүн «2020-жылга карата республикалык бюджети жана 2021-2022-жылдарга болжолу жөнүндө» мыйзам долбоору өткөн аптада Жогорку кеңештин бир катар тармактык комитеттеринде каралган.
Кыргыз өкмөтүнүн маалыматы боюнча, келерки жылдын бюджетинде киреше 163, 7 миллиард сом болсо, чыгаша 173,6 миллиард сомду түзөт. Ортодогу тартыштык 9,9 миллиард сом. (ZKo)
