Президенттин мурдагы кеңешчиси Икрамжан Илмиянов Көк бөрү федерациясынын жаңы жетекчиси болуп калды. Бул тууралуу Жаштар, дене тарбия жана спорт агенттигинен маалымдашты.
Кабарларга Караганда федерация башчысын шайлоо 1-апрелде болгон. Ага эки талапкер - Икрамжан Илмиянов менен Бактыбек Райымкулов катышкан. Натыйжада Илмиянов шайланган.
Көк бөрү федерациясынын мурунку президенти Канатбек Исаев мөөнөтү бүткөнүнө байланыштуу кетти. Федерация президентин шайлоо төрт жылда бир болот. (ZKo)
