Жогорку Кеңештеги “Өнүгүү-Прогресс” фракциясы Ички иштер министри кызматына Кашкар Жунушалиевдин талапкерлигин колдоду. Бул тууралуу парламенттен кабарлашты. Фракция жыйынына Жунушалиевди депутаттарга биринчи вице-премьер-министр Мухамметкалый Абылгазиев тааныштырды.
Депутаттардын талапкерге “Коопсуз шаар” долбоорун тездетүүнү, милициянын реформасын ишке ашыруу боюнча суроолорду беришти.
Буга чейин Жунушалиевдин талапкерлигин “Ата Мекен” фракциясы колдогон.
Мурунку министр Мелис Турганбаев 30-майда кызматтан кеткен болчу.(BkA)
