Орусиянын Ставрополь крайынын Айыл чарба продуктуларын көзөмөлдөө башкармалыгы Түркиядан ташылып келинип, Иноземцев аймагындагы соода түйүндөрүндө сатылып жаткан 220 килограммдан ашуун мандаринди жок кылды. “Интерфакстын” маалыматына караганда, мандарин Орусия Түркиядан жашылча-жемиш сатып алууга тыюу салгандан кийин алынып келинген.
2015-жылдын соңунда Орусия Түркиядан азык-түлүк ташууга тыюу салган. Өкмөттүн чечимине ылайык, жаңы жылдан тартып Түркиядан тоок этин, помидор, пияз, капуста, бадыраң, апельсин жана башка продуктуларды ташуу токтотулат.
Түркия-Орусия мамилеси былтыр 24-ноябрда түрк тарап Сирия менен чектешкен жеринде орус учагын атып түшүргөндөн кийин кескин курчуп кеткен. Ошондон бери тараптар бири-бирин айыптап келет. (КЕ)
