Бул тууралуу президент Алмазбек Атамбаев бүгүн Жогорку Кеңештин төрагасы Асылбек Жээнбеков, премьер-министр Темир Сариев жана Жогорку Соттун төрөйымы Айнаш Токбаева менен жолуккан учурда билдирди. Жолугушууда 2015-жылдын жыйынтыктары жана кийинки жылда өлкөнү өнүктүрүүнүн маанилүү багыттары талкууланды.
“Кыргызстан бир калыпта өнүгүү менен 2016-жылга мурдагыдан да кыйла туруктуу жана ишенимдүү кадам шилтеп жатат”, - деген мамлекет башчы келаткан жыл жеңил болбой турганын белгиледи.
Президент мамлекеттүүлүктү бекемдөө, экономиканы өнүктүрүү, жарандардын коопсуздугун, бакубатчылыгын камсыз кылуу боюнча бардык чаралар көрүлүшү зарыл экендигин белгиледи. (КЕ)
