Түркиянын чыгышындагы куралдуу кагылышта бир түрк аскер жана үч күрт согушчан окко учту. Расмий маалымдалгандай, тыюу салынган Күрдистан жумушчу партиясы - ПККнын согушкерлери менен Түрк аскерлеринин 16-августта Карс провинциясында өткөн салгылашуусунда бир жоокер жарадар болгон. 25-июлда Түркиянын күчтөрү Ирактын түндүгүндөгү козголоңчулардын базаларына абадан сокку ура баштагандан бери аскерлер менен күрт согушчандары тынбай кагылышууда. Авиачабуулду баштоо эки жыл мурда жетишилген элдешүүнү токтоткон. 15-августта ПККнын Түркияга каршы ачкан согушуна 31 жыл толду. Бул жылдары куралдуу калабаларда 40 миңден ашуун адам жайран болгон.
Түрк аскерлери күрт согушчандар менен салгылашты
