Нооруз салтанаты облустук бийлик имаратынын алдында өтүп, анда чыгыш жаңы жылын даңазалаган театрлаштырылган оюн-зоок көрсөтүлдү. Майрам тамак-аш жана кийим-кече көргөзмөлөрү, Токтогул атындагы гүлбакта тогуз коргоол, аркан тартмай сыяктуу улуттук оюндар, ыр-күүлөр менен коштолду. Жалал-Абаддыктарды бул күнкү салтанатта өкмөттүн облустагы өкүлү Ж. Төрөмаматов, Өзгөчө кырдаалдар министри К.Боронов жана шаар башчы М. Арапбаев куттукташты. (YA)
