Борбордук шайлоо комиссиясы протоколдордун түпнускасы менен көчүрмөсүн салыштырып текшерүү процессин соңуна чыгарды. Ага ылайык, Орусиянын Москва, Санкт-Петербург жана Казан шаараларындагы төрт шайлоо участкаларындагы добуш берүү жараксыз деп табылды. БШКнын төрагасы Акылбек Сариев буга негизги тизмелердин мыйзамга туура келбегени себеп болду деп билдирди. Кыргызстанда парламенттик шайлоо 10-октябрда өткөн. Добуш берүүнүн жыйынтыгы жарыялана элек. “Ар-намыс” партиясы шайлоонун жыйынтыгын эртерээк чыгарууну талап кылып, 27-октябрда нааразылык акцияга чыкканы жатат. (EBM)
