20-февралда акыйкатчы Турсунбек Акун парламентке адам укугу жаатындагы 2008-жылдагы абал боюнча маалымат берет. “Былтыр адам укугу жаатында жетишкендиктерден да демократиялык түркүктөрдөн артка чегинүү көп орун алды.“ -дейт акыйкатчы. Ал буга былтыр жарандардын эркин жыйналуу укугун чектеген мыйзамдын кабыл алынышын, өлкөдөгү сөз эркиндигине карата басымдын орун алып жатышын далил тартты. Ал эм адам укугу жаатындагы 2008-жылдагы негизги жетишкендик катары “Кыйноолорго каршы факультативдик протоколунун” ратификацияланышын белгиледи. Турсунбек Акундун айтымында бул жолку баяндамада ал бийликтеги бир катар өкүлдөргө кескин сын менен чыгат. (EK)
