БИРИККЕН ФРОНТТУН МИТИНГИНИН ТАРКАТЫЛЫШЫ

Бириккен оппозиция уюштурган мөөнөтсүз митингдин кууп таркатылышы – аптанын башкы окуясы болду. Окуя чагымдын кесепетинен келип чыкты деп эсептеген бийлик менен оппозиция дароо бири-бирин айыпташты. Ал эми башкы прокуратура митингичилердин катышуусунда өткөн эки окуя боюнча кылмыш ишин козгоду. Конституциялык реформа жана мөөнөтүнөн мурда президенттик шайлоо өткөрүү демилгеси менен оппозиция уюштурган мөөнөтсүз митингдин кууп-таркатылышына өкмөт үйүнүн жанындагы жаңжал түрткү берди.