БИШКЕК. №39-Куршаб шайлоо округу боюнча Жогорку Кеңештин депутаттыгына атаандаш болгон Адахан Мадумаров менен Мамат Орозбаевдин соттук териштирүүсү эми Жогорку сотто уланат. Бул тууралуу Орозбаев 3-сентябрда билдирди. Анын айтымында, Биринчи Май райондук соту анын арызын канааттандырган жок. Ошондуктан ал Жогорку сотко апелляциялык арыз менен кайрылды. Мамат Орозбаев Борбордук шайлоо комиссиясынын Куршаб шайлоо округунун үч шайлоо участкасында добуш берүү мыйзам чегинде болду деген чечимин жокко чыгаруу максатында сотко кайрылган эле.
