ОШ. Асланбек Аушев Ош шаарындагы иш сапарынын алкагында облустук жана шаардык деңгээлдеги мамлекеттик бийлик өкүлдөрү менен жолугушуп, аймактагы социалдык-экономикалык абал боюнча пикир алмашышты. Андан соң Асланбек Аушев Бабур театрында советтик аскерлердин Ооганстандан чыгарылгандыгынын 16-жылдыгына арналган кечеге катышып, Ооган согушунун ардагерлери жана майдандан кайтпай калган жоокерлердин үй-бүлөлөрү менен жолугушту. Жолугушуунун аягында Асланбек Аушев өзүнүн атынан Ооган согушунун катышуучуларына жана кайтпай калган жоокерлердин үй-бүлөлөрүнө акчалай жардам жана эстелик белектерин тапшырды.
