"Калдык сактоочу жайлар жана кен калдыктары жөнүндөгү мыйзамга өзгөртүү киргизүү тууралуу" мыйзам долбоору Жогорку Кеңеште биринчи окууда четке кагылды. Министрлер кабинетинин төрагасы демилге кылган документти депутаттар 25-апрелдеги жыйында карашты.
Жаратылыш ресурстары, экология жана техникалык көзөмөл министринин биринчи орун басары Медетбек Маметов маалымат берип, долбоор мыйзамдарды Атомдук энергия боюнча эл аралык агенттиктин стандарттарына шайкеш келтирүүгө багытталганын айтты. Анын белгилешинче, эгер ал кабыл алынса, радиоактивдүү калдыктар менен иштөө чөйрөсүн өнүктүрүү үчүн ченемдик-укуктук базаны жакшыртылат.
Бир катар депутаттар мыйзам долбоорун мамлекеттик органдардын жоопкерчилигин аныктоо жана бөлүштүрүү бөлүгүн кайра карап чыгуу керектигин билдирип, аны четке кагууну сунушташты.
2022-жылдагы расмиймаалыматка караганда, Кыргызстанда жалпысынан 92 уу калдык сактоочу жай бар. Анын 36сы Майлуу-Сууда жайгашкан. Алардын 23үндө уран, калганында радиактивдүү тоо тектеринин жыйындылары, оор металлдар, цианид көмүлгөн. Уу заттардын жалпы көлөмү 2,9 миллион куб метрди түзөт. (SE)
Facebook шеринеси