Ураган имаратта иштеген дарыгерлер

Ала-Бука районунун борборунда 60ка чукул медицина кызматкерлери эмгектенген үй-бүлөлүк дарыгерлер тобунун имараты үч жыл мурун жараксыз деп табылган. Бирок дарыгерлер ишсиз калуунун тобокелчилигинен улам имаратты бошотууну каалабай турушат. Жаңы жай куруу демилгеси 2010-жылдан баштап көтөрүлгөнү менен өкмөттөн колдоо таппай келет.