Майыптар ич ара араздашты

Азиздер жана дүлөйлөр коомунун мүчөлөрү Ак үй алдына эки нааразылык акциясын өткөрдү. Акцияга чыккан 50дөн ашык адам аталган коомдун президенти Калык Мамбетакунов майыптар үчүн курулган батирлерди жең ичинен бөлүштүрдү деп айыпташууда. Ошол эле учурда экинчи акцияга чыккандар Мамбетакуновду колдорун билдирип, коомдун айрым мүчөлөрү жетекчисин негизсиз каралап жатканын билдиришүүдө. Ак үй алдына топтолгон 100гө чукул адам Коомдук каналда көрсөтүлгөн “Ой ордо” ток-шоусунда Калык Мамбетакунов бир тараптуу сындалганына нааразы болушууда.