Ирактын экинчи ири шаары Мосулду “Ислам мамлекети” террордук тобу ээлеп алганына толук бир жыл болду. Шаар тургундары бүгүн андагы жашоону абактагы абалга салыштырууда.
Түркияда жекшембиде өткөн парламенттик шайлоонун алгачкы жыйынтыктары белгилүү боло баштады.
Тажикстанда сот Ислам кайра жаралуу партиясынын төрагасынын кеңешчиси Саидиброхим Назарды көп аял алганы үчүн акчалай айыпка жыкты. Бул өлкөдө көп аял алгандарды жазалаган биринчи чечим эмес. Буга чейин да Хатлон облусунда эки же андан көп аялы бар 25 адам айыпка жыгылган.
Жогорку Кеңештеги "Ата Мекен" фракциясынын төрагасы Өмүрбек Текебаев баш мыйзамды өзгөртүү аракеттери боюнча суроолорго жооп берди.
Бул ирет кабарчыларыбыз Бажы биримдигине кирүү алдында турган Кыргызстандагы мал багуунун оош-кыйыштары, эпизоотикалык абалга кызыгып көрүштү.
Кечээ Жогорку Кеңеш сүйлөшүүсү аяктай элек Кумтөр боюнча келишимди карап, "Центерра голд" компаниясы менен сүйлөшүүнү бүткөрүүгө өкмөткө дагы бир ай мөөнөт берди.
Кыргызстанда тариф саясаты кайрадан талкууга түштү. Кечээ Жогорку Кеңештин тиешелүү комитети бул маселени карап, электр энергиясынын баасын төмөндөтүүнү сунуштады. Мындан улам энергетика маселелери боюнча эксперт Бийназар Бердикеевди кепке тарттык.
Кыргызстандагы оппозициялык күчтөр жана саясатчылар биригүү боюнча кеңешүүлөрдү жүргүзүүдө. Бул быйыл өтүүчү парламенттик шайлоо алдындагы камылга экендиги айтылууда. Саясий жараяндар жана оппозициянын биригүүсү боюнча серепчи Марат Жаанбаев "Азаттыктын" суроолоруна жооп берди.
Улуттук стратегиялык иликтөө институтунун билдирүүсү боюнча калктын өкмөткө ишеничи өткөн жылы беш эсеге өстү. Буга байланыштуу “Азаттык” Социологиялык жана маркетингдик изилдөөлөр борборунун башчысы, социология илимдеринин кандидаты Самар Сыргабаевди кепке тартты.
Мурдагы баш прокурордун билдирүүсү кыргыз коомчулугунда кызуу талкууланып жаткан кез. Буга байланыштуу саясат таануучу Табылды Акеров “Азаттыктын” айрым суроолоруна жооп берди.
Өткөн жуманын соңунда Кумтөр боюнча Москва - Нью-Йорк телекөпүрөсу аркылуу кезектеги сүйлөшүү аяктады. Кыргызстан менен "Центерра" өкүлдөрүнүн ортосундагы бул сүйлөшүүнүн жыйынтыктары тууралуу "Кыргызалтындын" жетекчиси Токон Мамытовду кепке тарттык.
Биометрикалык маалымат топтоо жараянынын жүрүшү тууралуу “Азаттыктын” суроолоруна биринчи вице-премьер-министр Тайырбек Сарпашев жооп берди.
Франциядагы "Шарли Эбдо" журналынын редакциясына кол салууну айыптап, бир катар диниятчылар билдирүү таратышты. "Азаттык" кандуу окуя тууралуу ислам аалымы, Кыргызстандын мурдагы муфтийи Чубак ажы Жалиловдун пикирине кызыкты.
Жогорку Кеңештеги "Ата Мекен" фракциясынын төрагасы Өмүрбек Текебаев баш мыйзамды өзгөртүү демилгелери жана баш мыйзам кандай шартта өзгөрүшү мүмкүндүгү боюнча суроолорго жооп берди.
Орусиянын президенти Владимир Путиндин парламентке жылдык кайрылуусу тууралуу “Азаттык” “Кыргызконцепттин” жетекчиси, мурдагы экономика министри Эмил Үмөталиевди кепке тартты.
Учурда Сириядагы согушка Кыргызстандын 150дөй жараны катышып жатканы айтылууда. Кечээ эле Араван районунун эки тургуну үй-бүлөсү менен бул мамлекетке кеткени маалым болду.
24-октябрда Париждеги эл аралык арбитраж латвиялык ишкер Валерий Белокондун пайдасына 16.5 млн. доллар төлөп берүүгө кыргыз өкмөтүн милдеттендиргени кечээ белгилүү болду. Ага чейин түркиялык “Систем мүхендислик” компаниясы “Ак кеме” мейманканасы боюнча соттошууда кыргыз өкмөтүн утуп, “Центерра голд инктеги” Кыргызстандын акцияларын камакка алууга жетишкен. Андан кийин Канаданын “Стэнс энержи корп” компаниясы сейрек кездешүүчү Куттуу-Сай кени боюнча кыргыз өкмөтүн Москвадагы арбитражга берип, 118 млн. долларга утуп алган. Мындай утулуулардын себеби эмнеде? Бул боюнча "Азаттыктын" таңкы түз обосундагы суроолоруна юстиция министри Алмамбет Шыкмаматов жооп берди.
Жогорку Кеңештин мурдагы депутаты, энергетика министринин мурдагы орун басары, өлкөгө эмгек сиңирген энергетик Райымбек Мамыров "Азаттыктын" таңкы түз обосунда энергетика тармагындагы абал боюнча суроолорго жооп берди.
Бүгүн "Ата-Журт" жана "Республика" партиялары бириккенин жарыялады.
Акыркы кезде Кыргызстандын эл аралык соттордон утулуп жатышы эмнеден кабар берет? "Азаттык" бул маселе боюнча Жогорку Кеңештеги "Ата Мекен" фракциясынын лидери Өмүрбек Текебаев менен маектешти.
Дагы жүктөңүз
