Жекшембиде Өзбекстандын Анжыян жана Карасуу шаарларында кырдаал тынч болгону маалымдалды. Жума жана ишемби күндөрү оболу Анжыянда, андан кийин өзбекстандык Карасуу шаарчасында расмий бийликтин саясатына нааразы күчтөр демонстрация өткөрүшкөн. Анжыяндагы жума күнкү кагылышуу маалында бир нече жүздөгөн кишилер набыт болгону кабардалууда. Расмий Ташкен набыт болгондордун санын 30дай гана киши деп көрсөткөн. Жарым миңден ашуун өзбек качкыны Кыргызстандын аймагына өттү.
Бүгүн (жекшембиде) таңкы саат алтыларда Кыргызстандын Карасуу шаарына тутумдаш болгон өзбекстандык Карасуу шаарчасында кырдаал тынч экенин оштук кабарчыбыз маалымдады. Такталбаган маалыматтарга караганда, Өзбекстандын коопсуздук күчтөрү совет доорунда Ильичевск деп аталган бул шаарчаны көздөй кечээ кечинде аттандырылган. Бул шаарчанын бир катар расмий кеңселери кечээ козголоңчулар тарабынан өрттөлүп жиберген.
Өзбекстандын Анжыян шаарында жума күнкү кандуу кагылышуудан кийин жүздөгөн кишилер кайра чогулгандыгы кабардалды. 13-майдагы өзбек коопсуздук күчтөрү менен менен жергиликтүү калайыктын кагылышуусунун айынан канча киши өлгөнүн так аныктоого мүмкүн болгон жок. Расмий Ташкендин айтымында, 30 киши өмүрүнөн ажыраган, бирок башка булактар набыт болгондордун саны мындан алда канча көп экендигин билдирүүдө. Ишембиде жүздөгөн өзбекстандыктар коңшу Кыргызстан аймагына кирүү үчүн чек ара тилкесине топтолгондугу кабардалды.
Соңку маалыматка караганда, Өзбекстандын Анжыян облустук акимиятынын кеңсеси нааразылык иш-чарасына чыккандардан күч колдонуу менен бошотулуп алынды. Анжыян шаарында топтолгон миңдеген демонстранттар өкмөттөн «мыйзамсыз диний топторго мүчө болгон» делген айып менен камакка алынган кишилердин баарын боштондукка чыгарууну талап кылышкан. Ал эми Өзбекстандын коңшулары Анжыяндагы окуяларга кабатырлануу менен мамиле кылууда. Тажикстан жана Кыргызстан өздөрүнүн Өзбекстан тараптагы чек арасын убактылуу жапты.
Ушул тапта АКШ аскерлери Ирактын батыш өңүрүндө көтөрүлүшчүлөр менен айыгышкан салгылашуу жүргүзүүдө. Мындай курч салгылашуу былтыркы Фаллужа шаарындагы каршылык көрсөтүүдөн бери учурай элек болчу. Анын үстүнө, көтөрүлүшчүлөр мурдагыдан кыйла дурус машыккандыгы жана курал-жарактары да мыктыраак экендиги байкалууда.
АКШ президенти Жорж Буштун Экинчяи дүйнөлүк согуштун аякташынын 60 жылдыгына арналган Европа сапары Латвияга саякаты менен башталды. Бүгүн (ишембиде) ал Латвиянын ордо шаарында Балтика деңизинин чыгыш кыйырындагы үч жумурияттын мамлекет башчылары менен сүйлөшүү жүргүзүүдө. Президент Буш бүгүн кечинде Голландияга келет, андан соң анын сапары Орусия жана Грузия багытында улантылат. Ал эми Буштун Латвиядагы сапары балтикалык үч өлкөнүн мурдагы Советтер Биримдиги тарабынан кантип басып алынгандыгы тууралуу кайым айтышуулар күчөгөн кезеңге туш келди.
Бейшембиде британ премьери Тони Блэрдин Лейбористтик партиясы парламенттик шайлоодо тарыхый жеңишке э болду. Тони Блэр катары менен үчүнчү жолу парламенттик шайлоодо жеңип чыккан алгачкы лейборист лидер болуп калды. Бирок анын партиясынын жаңы парламенттеги үстөмдүгү мурдагыга салыштырмалуу кыйла азайды. Буга Ирактагы согуш олуттуу таасир тийгизгенин британдык саясатчылар белгилөөдө.
Пакистанда “ал-Кайида” тармагынын жетекчилеринин бири саналган Абу Фараж ал-Либбинин камакка алынганын мурда кабардаган элек. Бул окуяны АКШнын жетекчилиги да, Пакистандын расмий чөйрөсү да өтө олуттуу жеңиш катары баалады. Бирок террорчулукка каршы күрөш боюнча адистердин бир даары теги ливиялык «ал-Либбинин колго түшүшү Осама Бен Ладендин кармала турган күнүн жакындатты» деген жоромолдордун чындыкка айланаарына күмөндөр экенин билдирүүдө.
Бүгүн (бейшембиде) палестиндер жергиликтүү кеңештерге шайлоо өткөрүүдө өттү. Иордандын Батыш жээгинде жана Газа тилкесинде 84 жергиликтүү кеңештин депутаттык орундары үчүн 2500төй талапкер ат салышты. Бул шайлоо - исламчы жоочулардын Хамас уюму үчүн өзгөчө олуттуу сыноо. Палестин аймагында үстүбүздөгү жылдын июл айына белгиленген парламенттик шайлоодогу Хамастын башкы атаандашы – Фатх кыймылы болоору шексиз. Палестин президенти Махмуд Аббас жетектеген Фатх кыймылы, атаандашы сыяктуу эле, бейшембидеги жергиликтүү шайлоодо көбүрөөк орунга жетүүгө ынтызар болду.
Иракта жаңы өкмөт салтанаттуу ант берди, бирок суннийлердин таасирдүү төбөлдөрүнүн көпчүлүгү өздөрүн бул жаңы өкмөттөн обочодо тутууда. Ал түгүл кызматынан кетип жаткан президент, сунний саясатчы Газы ал-Йавердин өзү да шейшембидеги бул салтанатка катышкан жок. Серепчилердин айтымында, төбөсү көрүнгөн сунний саясатчылары жаңы өкмөткө тартылмайынча, пост-саддамдык өкмөткө каршы козголоңдорду токтотуу кыйын.
Жаңы өкмөт куралгандан бери үч күн бою Ирактын ордо шаарында зомбулук аракеттер улантылып келет. Бүгүн Багдаддагы күзөтчүлөрдүн бекеттеринин бири чабуул алдында калып, жоочулар бери дегенде беш ирактык полициячыны өлтүрүштү. Ушул эле күнү Багдаддагы техникалык коллеждин жанында да жардыруу болуп, бери дегенде төрт карапайым киши өмүрүнөн ажырап, беш киши жаракат алды.
Кабарларда айтылгандай, бүгүн (ишембиде) Вьетнам согушунун аякташынын 30 жылдык мааракеси салтанаттуу белгиленди. Азыр дагы америкалыктардын айрымдары «Деги, бул согуш бизге керек беле?» деп шектенип, Ак Үйдү азыркыга чейин айоосуз сынга алып келсе, Ирак согушунда өз өнөктөштөрүн Сайгондогудай талаага таштап баса бербей, вьетнам согушунун ачуу сабагын башка өңүттөн алганга чакыргандар да бар.
Бүгүн (бейшембиде) Ирак парламенти жаңы өкмөттүн курамын жалпы-жонунан аныктады. Курамы толук түзүлө электигине карабастан, ал соңку жарым кылым ичинде алгачкы ирет демократиялык жол менен тандалган өкмөт катары эл аралык коомчулукта кеңири сөзгө алынууда. Өкмөт башчылыгына сунуш кылынган Ибрагим ал-Жаафари тарабынан жактыруу үчүн парламентке сунушталган бул өкмөттүк курам өлкөдөгү калктын басымдуу көпчүлүгүн түзгөн шийилерден тышкары, суннийлерди жана күрт топторунун өкүлдөрүн өзүнө камтыйт. Бирок Иракта өкмөттү аныктоо жараяны өтө эле создугуп кеткени да сынга алынып келди.
2005-жылы 24-апрелде "Азаттык үналгысынын" директору Тынчтыкбек Чоротегин Прага студиясынан ушул тапта Москвада жашап жаткан экс-президент Аскар Акаев менен түз ободо маектешти. Суроолор алдын-ала даярдыксыз берилип, жооптор дароо алынды.
2005-жылы 24-апрелде "Азаттык үналгысынын" директору Тынчтыкбек Чоротегин Прага студиясынан ушул тапта Москвада жашап жаткан экс-президент Аскар Акаев менен түз ободо маектешти. Суроолор алдын-ала даярдыксыз берилип, жооптор дароо алынды. (2-бөлүк).
Кошмо Штаттар менен Европа Биримдиги Ирандын өзөктүк программасы боюнча орток мамилеге келип жатканы кабардалууда. «Нью Йорк Таймс» жана «Вашингтон пост» гезиттеринин жазышынча, расмий Вашингтон Иранга анын өзөктүк долбоордон баш тартуусу үчүн экономикалык жактан кызыктыруучу долбоорду сунуштоого даяр, ал эми Европа Биримдиги болсо Ирандын өзөктүк долбоору жаатында Бириккен Улуттардын Коопсуздук Кеңешине өз тынчсыздануусун билдире турган болду.
Кремлдин айтымында, бүгүн 8-мартта чечен жикчилеринин президенти Аслан Масхадов камалоого калып, федералдык аскерлер менен атышып жатып курман болду. Орус сыналгысы Масхадовдун денеси катары жоромолдонгон сөөктү байма-бай көрсөттү. Эгерде бул кабар көз каранды эмес иликтөөлөр аркылуу тастыкталса, анда чечен жикчилери өздөрүнүн көрүнүктүү жолбашчысынан айрылган болот. Чечендер Масхадовду байистүү саясатчы катары бааласа, расмий Маскөө болсо аны террорчу катары жектеп келген.
Пакистандын президенти Первез Мушарраф Борбордук Азиядагы сапарын улантууда. Бүгүн (жекшембиде) ал Ташкенде Өзбекстандын президенти Ислам Каримов менен жолугуп, эки тараптуу кызматташтыкты андан ары өөрчүтүү жана аймактык коопсуздукту чыңдоо жаатында сүйлөшүү жүргүздү. Мушарраф дүйшөмбүдө Борбордук Азия сапарын андан ары улантып, Бишкекке келмекчи.
Бүгүн Кыргызстанга коңшу өлкө - Кытайдын ордо шаарында Эл өкүлдөрүнүн бүткүл кытайлык жыйынынын (Кытай парламентинин) кезектеги жылдык отуруму башталды. Бээжиндеги жыйындын көңүл чордонунда ички саясий-экономикалык өнүгүү маселелеринен тышкары көз каранды эместикти сактап калууга умтулган Тайвандын маселеси да турууда.
Эл аралык космос бекетинде иликтөө жүргүзүп жаткан жердешибиз Салижан Шарипов жана анын шериги Лерой Чиао апрел айында Жерге кайтып келишет. Америкалыктар «Дискавери» космос чөлмөгүн үстүбүздөгү жылдын май айында космоско аттандырмакчы.
Дагы жүктөңүз
