"Азаттыктын" штаттан сырткаркы журналисти. Эл аралык AIB сыйлыгынын жеңүүчүсү (2011).
Европа өлкөлөрүнө Орусиядан газ келбей калганына экинчи жумага аяк басты. Анын аралыгында Орусия менен Украинанын ортосундагы газ талашы дале уланууда.
Саддам Хуссейн өзүн башкаларга шер көрсөтүү менен ондогон жыл Иракты башкарып турган. Бирок анын дүйнөнү Ирак ядролук куралга ээ деп ишендирүү аракети өз башына балта болуп, 2003-жылы Кошмо Штаттарын аны бийликтен кулатууга ынандырган. Бул тууралуу АКШнын улуттук чалгын кызматынын жетекчиси Майк МакКонел жакында мына ушул чийелешкен маселе боюнча айрым түшүндүрмө берди.
Кошмо Штаттары менен Грузия стратегиялык кызматташтык келишимине кол коюшууда. Вашингтондо кол коюла турган документ эки өлкөнүн ортосундагы коргонуу жана коопсуздук жаатындагы кызматташтыкты бекемдөөнү максат кылат.
БУУнун Коопсуздук кеңеши Газа тилкесинде согуш аракеттерин дароо токтотууну караган резолюция кабыл алды. Бирок эл аралык мындай катуу кысымга карабастан Газа тилкесинде согуштук аракеттер уланууда.
"Азаттыктын" түркмөн кызматынын кабарчысы Осмон Халлыевди жергиликтүү коопсуздук күчтөрү карыш жылдырбай артынан аңдып, балдары иштен куулду. Азыр анын 10 небереси багууга каражатсыз калды.
Израил Газа тилкесинде согуш операциясын улантып жатканда, өлкө Ливандан ракета менен аткыланды. Үч-төрт ракетадан 2 киши жараат алганы кабарланууда. Ракетаны ким атканы белгисиз, эч ким жоопкерчиликти өзүнө алган жок.
Жаңырган жылда Пакистандын батышындагы пуштун чек ара аймактарында ичимдик ичкен, же кыздарын мектепке жибергендер өлүм жазасына тартылуу коркунучуна туш келишүүдө.
Ушул дүйшөмбүдө Ирандын бийликтери "Ширин Эбадинин коопсуздугуна тынчсызданууга эч кандай негиз жок, биз аны башка иран жарандарын коргогондой эле коргойбуз" деген билдирүү жасады.
Индия Мумбайга чабуул жасаган согушкерлердин Пакистанга тийешеси бар болгондугунун далилдерин Исламабаддын өкмөтүнө тапшырды. Исламабад эбактан эле чабуул Пакистандан уюштурулган деген ырастоону далилдөөнү талап кылып келген эле.
Израилдин Газа тилкесине чабуулу экинчи жумага аяк басты. Бир жума тилкени абадан бомбалаган израил армиясы ишембинин кечинде Газага танктар менен басып кирди.
Израил армиясы бир жумадан бери Газа тилкесин абадан бомбалап келген болчу. Кечээ ишемби күнү анын танктары чек араны кесип өтүп, жерден кол салды. Салгылаштардын алгачкы саатында Газанын 19 тургуну окко учканы айтылууда.
Орусиядан Украина аркылуу келүүчү газдан пайдаланган Евробиримдиктин бир нече өлкөсү түтүктөрдө газдын көлөмү азайып кеткендигин билдиришүүдө. Андан баарынан да Румыния көп жапа тартканы айтылууда.
Батышта Крисмас, орустарда Рождество деп аталган Иисус Христостун туулган күнү христиан динзарлары үчүн үмүттүн учуру. Бирок быйыл ал бир катар жерлерде куугунтуктоонун мезгили болуп калды.
Aзербайжанда парламент президент Илхам Алиевдин бийлигин узартууга киришти. Депутаттар добуштардын 95-4 катнашы менен Конституциялык соттон президенттин эки мөөнөттөн ашык иштешине чектөөнү алып салуу маселесин референдумга коюга уруксат сурашты.
Борбор Азия боюнча 4 жарым миң элдик шайырларды жана жаш шыгырчы, аспапчыларды даярдап жаткан Ага Хандын Борбор Азиядагы Музыкалык Демилгеси же АКМИКА Казакстандын билим берүү системасына киргизилген бардык балдарга тегиз музыкалык таалим берүүнү көздөп жатат.
АКШнын БУУдагы элчиси Вашингтон менен Кабул өкмөтү сабырдуу талибдер менен алака түзсө, Ооганстанда стабилдүүлүккө огожо болот деп билдирди. Залмай Хализад бул тууралуу Кошмо Штаттары Ооганстанга кошумча 20-30 миң аскер жибере тургандыгын жарыялагандан кийин билдирди.
Жаңы жылдын алдында Эркин Европа-Азаттык үналгысы өз кабарчыларынан жана редакторлорунан "өтүп бараткан жылдын башкы жаңылыктары кайсылар" деп сураган эле. Кайсы окуялар өзгөчө маанилүү болду? Ушул сурамжылоонун негизинде 10 окуя тандалып алынды.
Ушул аптада Орусияда өкмөт башчысы Владимир Путин кино тармагын көзөмөлдөгөн өкмөттүк комиссияны жетектей тургандыгын жарыялады. Ушуга байланыштуу көп адамдар бул маанилүү көркөм өнөрдүн үстүнөн советтик үлгүдөгү мамлекеттик көзөмөл кайра орнойт деп тынчсызданып жатышат.
20-декабрь – Эл аралык Боордоштук күнү майрамдалууда. Бул күн кандайча белгиленип калган, анын мазмуну кандай?
2008-жыл Орусия үчүн акыркы 10 жылдагы өйдөлөөнүн жылы болуп калды. Мунайдын баасы өсүп жатты, өлкөнүн тышкы саясаты катаң бойдон калды. Бирок акыркы жылдары ити чөп жеп келген өлкөнүн глобалдык кризистин айынан бели майыша баштаганы айгине болууда. Бул Орусиянын ички жана тышкы саясатына кандай таасир тийгизиши мүмкүн?
Дагы жүктөңүз
