Кыргыз эл артисти Амантай Кутманалиев - учурда төкмө өнөрүнүн төрүндөгү акындардын бири.
Жашоодо адамдын тагдыры дайыма эле сыдыргыга салгандай тегиз болбойт экен. Акындын тагдыры андан бетер. Бүгүн биз ошондой тагдыры татаал, мүшкүлдүү өмүр кечирген таланттуу акындардын бири Алмаш Чойбекованы эскеребиз. Алмаш деген ысым менен таанылган Алматай Чойбекова 1947-жылы 8-августта төрөлгөн.
Даңазалуу «Абай жолу» романынын автору Мухтар Ауэзовдун татыктуу уулу, белгилүү коомдук ишмер, маданият таануучу, ойчул Мурат Ауэзов 82 жашында дүйнө салды. ТүркСОЙ уюмунун баш катчысы, Кыргыз эл жазуучусу Султан Раев Мурат Ауэзовду эскерди.
Кыргыз поэзиясынын залкары, 35 жашында дүйнөдөн мезгилсиз өткөн акын Алыкул Осмоновдун Бишкек шаарынын Сокулук көчөсүндөгү 10-номердеги үйү жаңылоого муктаж. Алыкултаануучу Памирбек Казыбаев акындын үйүн заманбап маданий жайга айландыруу аракеттери, шаар бийлигинин убадасы тууралуу айтып берди.
Кыргыз адабиятына сексенинчи жылдардын этегинде келип, поэзияга өзүнүн кайталангыс чыйырын салып кеткен таланттуу акын Жолдошбек Зарлыкбековду эскеребиз. Өзгөчө тагдыры бар акын 2016-жылы 10-майда оорудан улам 57 жашында көз жумган.
Чыгаан дипломат, ойчул, мурдагы мамлекеттик катчы, коомдук ишмер Ишенбай Абдуразаковдун көзү тирүү болгондо быйыл 87ге чыкмак. Замандаштары Абдразаковду даанышмандардын катарында баалап, анын өрнөктүү өмүрүн, акыл ойлорун кийинки муун билиши керек деп санайт.
Нуралы Капаров - кыргыз адабиятына сексенинчи жылдары келген таланттуу калемгерлердин бири. Бүгүн ал "Тамызгы", "Көңүл ыргагы", "Досума кат", "Адашкандар" өңдүү китептерине кирген поэтикалык, прозалык жана публицистикалык мыкты чыгармалары менен белгилүү.
“Азаттыктын” сыябан-маегинин кезектеги коногу - белгилүү акын, жазуучу, журналист Нуралы Капаров. Калемгер жазуучулук өнөрдүн түйшүгү, барк-баасы, талант жана тагдыр, устаттык, шакирттик ымаланын барк-баасы тууралуу маек курду.
Бүгүнкү маектештерибиз - композиторлук, аткаруучулук, комузчулук, өнөрлөрү,педагогдук ишмердиги менен таанымал Кыргыз Эл артисттери, 50 жыл бирге түтүн булатып келаткан жубайлар Атайбек Бөдөшев менен Каныкей Эралиева.
Өз саламаттыгына көз салуу, бири-бирине сый-урмат менен мамиле кылуу - адамдагы эң баалуу сапаттардан. Медицина илимдеринин доктору, Кыргызстандын эмгек сиңирген дарыгери, анестезиология боюнча адис Жамиля Чынгышева “Азаттыктын” студиясына келип дарыгерлик кеңири маек курду.
1990-жылдардын айланасындагы жаштар жана студенттер кыймылдары, алардын чыгуу себептери, максаттары, натыйжалары тууралуу талкуулайбыз. 1985-1990-жылдар – СССРдин кулашын шарттаган, социалдык жана саясий укуктар үчүн күрөшкөн ири тарыхый окуялардын жылдары болгон.
Таланттуу кинорежиссер, тарыхчы-этнограф Мелис Убукеев алгачкы кыргыз көркөм тасмасын жаратуу аркылуу кыргыз киносунун тарыхында калды.
“Сыябан" маектин коногу Кыргыз эл артисти, Жалал-Абаддагы облустук филармониянын солисти Шахра Талипова.
Тарыхчы-окумуштуу Аскар Беделбаевдин өз атасы Улуу Үркүн маалында Бедел ашуусунда төрөлүп, кийин экинчи дүйнөлүк согушка катышып, туткунга түшкөн. Ал эми чоң атасы 1916-жылкы Улуттук боштондук кыймылына катышып, Үркүн маалында Кытайга качып барып, кайра мекенине келген.
“Азаттыктын” студиясында сынчы, адабиятчы Аскар Медетов менен акын, котормочу Жыргалбек Касаболотов катышкан талкууда улуттук көркөм адабияттын өнүгүү багытындагы тенденциялары, айрым оош-кыйыштар, кийинки муундагы калемгерлердин чыгармачылыгындагы айрым өңүттөр тууралуу сөз болду.
Акын Какен Алмазбековдун “13 жашар баланын арманы”, “Чагылган”, “Албырып шаттык жүзүнө”, “Сагынам” өңдүү элдин жүрөгүнөн түнөк тапкан жүздөгөн чыгармалары жарым кылымдан бери маанисин жогото элек.
Жетимиш жылдык тарыхы бар “Азаттыктын” башатында тургандардын бири - Төлөмүш Жакып уулу. Анын жеке тагдыры да Экинчи дүйнөлүк согуш маалында туткунга түшүп, андан эптеп качып кутулуп, бирок мекенине кайта албай калган кыргызстандыктарга окшош.
Улуттук консерваториянын профессору, Кыргыз Эл артисти Улукмырза Полотов быйыл 80 жашка чыкты.
Казакстанды 30 жыл башкарган Нурсултан Назарбаев “Менин өмүрүм. Көз карандылыктан эркиндикке карай” деген мемуарында ымандай сырын төгүп, экинчи үй-бүлөсү тууралуу да баяндаган. Мемуардын бул бөлүгү коомчулуктун кызуу талкуусуна түштү.
Дагы жүктөңүз
