Адабиятта аты чыгып, китеби чыкпаган акын

Кыргыз адабиятына сексенинчи жылдардын этегинде келип, поэзияга өзүнүн кайталангыс чыйырын салып кеткен таланттуу акын Жолдошбек Зарлыкбековдун чыгармаларын иликтеп жүргөн адабиятчы, филология илимдеринин кандидаты Аскар Медетов, акын Атахан Кожогулов жана Бурулкан Сарыгулова эскеришти. Өзгөчө тагдыры бар акын 2016-жылы 10-майда оорудан улам 57 жашында көз жумган.