"Азаттыктын" Бишкектеги бюросунун кызматкери, журналист, педагог-режиссер.
Элдик революциялык кыймыл бүгүн Таласта Элдик жыйын өткөргөнү жатат. Анын алдында кыймылдын лидери Азимбек Бекназаров "Азаттыктын" таңкы түз ободогу суроолоруна жооп берди.
Өлкөдөгү соңку коомдук-саясий абал боюнча “Азаттыктын” суроолоруна саясат таануучу Бекбосун Бөрүбашев жооп берди.
Бүгүн Бишкектин Ленин райондук соту коомдук-саясий ишмер Ишенбай Кадырбековго байланыштуу ишти карап баштамакчы. Мунун алдында Кадырбековдун жактоочуларынын бири Ишен Айтмаматов бул иштин тегерегинде «Азаттыктын» таңкы түз обосунда кеп салып берди.
Элдик революциялык кыймыл эртең Таласта элдик жыйын өткөргөнү жатат. Бул жыйынга карата жергиликтүү элдин маанайын билүү максатында Кара-Буура айылынын тургуну, Коомдук парламенттин мүчөсү Жыпарбек Тойчубековду "Азаттыктын" таңкы түз обосунда кепке тарттык.
Бейшембиде Жогорку Кеңеш 44 күндөн бери дайыны чыкпай жаткан депутат Руслан Шабатоев менен депутат Жээнбековдун уулу Бактиярды издөө иштеринин жүрүшү тууралуу ички иштер министринин маалыматын укту.
Тоо-кен иштери жана тоо-кен технологиялар институтунун жоон топ окутуучулары институттун жетекчисине байланыштуу соттук териштирүү бүткөнчө аны кызматтан четтетүүнү талап кылышууда.
Жогорку Кеңеште чет өлкөлөрдөн келген гранттарды, кредиттерди жана гумжардамдарды Саламаттык сактоо министрлиги кандай пайдаланганы тууралуу маселе талкууланды.
Кыргызстанда 3-ноябрдан баштап электр жарыгын маал-маалы менен өчүрүү токтотулат, бирок лимиттен ашыкча электр кубатын пайдаланган район, облустарда жарык өчүрүлүп турат.
Атактуу адамдардын атындагы орден-медалдарды шагыратып таратып жүргөн коомдук уюмга каршы Орусиянын Башкы прокуратурасы кылмыш ишин козгоду деген маалымат кыргыз парламентинде кызуу талкууга алынды.
Бүгүн “Акыйкат үчүн” кыймылы 3-ноябрда Коомдук парламенттин отурумун өткөрүү тууралуу чечим кабыл алды. Анда жергиликтүү кеңештерге шайлоонун жыйынтыгы, өлкөдөгү саясий-экономикалык абал, Элдик курултайды уюштуруу маселеси каралмакчы.
Беларус президенти Алексндр Лукашенко бүгүн Кыргызстанда расмий сапар менен болду . Эки өлкө башчыларынын жолгушуусунан кийин 8 документке кол коюлду. Эки тараптуу сүйлөшүүлөрдөн соң президент Курманбек Бакиев Кыргызстан менен Беларустун кызматташтык байланышы мындан ары өнүгөөрүн билдирди. Лукашенко дагы Беларус Кыргызстанга ар тараптуу жардам көрсөтөөрүн белгиледи.
Бишкекте бүгүн КМШ тышкы иштер министрлер кеңешинин жыйыны өтүүдө. Эртең болсо КМШга мүчө өлкөлөрдүн мамлекет башчыларынын жыйыны өтүп, анда жыйырмадан ашуун маселе каралмакчы. Айрым саясат талдоочулардын пикиринде он жети жылдан бери көз карандысыз шериктештигине мүчө мамлекеттердин саммитинде экономикалык өнүгүү багытында бир катар келишимдерге кол коюлганы менен иш жүзүндө алгылыктуу натыйжа бербей келүүдө.
Бишкек шаардык соту беш айдан бери камакта жаткан Ишенбай Кадырбековдун баш коргоо чарасыны байланышкан маселени карап, райондук соттун чечимин күчүндө калтырды. Соттун мындай чечимин мыйзамсыз деп эсептеген Кадырбековдун адвокаттары шаардык соттун чечимин жокко чыгаруу арызы менен Жогорку сотко кайрылыша турган болушту. Ал эми каржы полициясынын тергөөчүсү И.Кадырбековго байланыштуу козголгон экономикалык кылмыш ишти он беш күндө тергеп бүтүп, сотко ашыраарын билдирди.
Алты жарандык уюмдун башын кошкон “Шайлоочулардын укугу үчүн жарандык уюмдар бирикмеси” 16-сентябрдан баштап республика аймагы боюнча алдыда болуучу жергиликтүү кеңештерге шайлоого карата билим берүү жана маалымат жараянын баштайт. Бирикменин билдиргенине караганда, аталган иш чаранын негизги максаты жаңы шайлоо кодексин жана шайлоону мыйзамдын чегинде өткөрүү боюнча элге түшүндүрүү болуп саналат. “Эркиндик” партиясынын мурдагы лидери Топчубек Тургуналиев болсо жергиликтүү кеңештерге шайлоо бурмаланып өтөөрүн, ага карата жарандык уюмдардын пикирлерине Борбордук шайлоо комиссиясы маани бербестигин билдирди.
4-сентябрда президент Курманбек Бакиев Улуттук телерадиокомпанияны реформалоо боюнча жарлыкка кол койду. Ага ылайык олустук телекомпаниялар, УТРКнын алдындагы “Учур” теле театры жана маркум дирижер Асанкан Жумакматовдун камералык оркестри Маданият жана маалымат министрлигинин курамына өткөрүлүп берилет. Медиа институту өкүлүнүн айтымында, аталган жарлык УТРКнын өнүгүүсүнө шарт түзөт. Ал эми парламенттин билим, илим жана маалымат саясаты боюнча комитеттин төрагасы Иса Өмүркулов болсо буга караманча каршы. Анын пикиринде өлкө башчысынын бул жарлыгы менен УТРКда реформа ишке ашып кетпейт.
Бир катар укук коргоочулар Ирандык укук коргоочу Эмадеддин Багхини (Emomoldin Boghi) Тегерандын абагынан бошотуу талабы менен Бишкектеги Иран Ислам Республикасынын элчилигинин жанында пикетке чыгышты. Алардын Иран өкмөтүнө жолдогон кайрылуусун Акыйкатчы институтунун өкүлү элчи Мохаммад Реза Сабуриге берип чыкты. Иран консулдугунун өкүлү бул акцияны өткөрөөрдөн мурда Кыргызстандын укук коргоочулары элчиликке алдын алы кабардар кылбагынын, мындай иш чараны цивилизациялык жол менен өткөрүү керектигин айтты.
“Де-факто” гезитинин баш редактору Чолпон Орозобековага байланыштуу сот жараяны Бишкек шаардык сотунда ушул апта ичинде каралат. Бирок азырынча кайсы күнү болоору так айтыла электигин Чолпон Орозобекованын жактоочусу Нина Зотова билдирди. Коомчулукта болсо бийлик сот аркылуу эркин басылмаларды жабуу аракетин көрүп, сөз эркиндигине кысым жасалып жатат дешүүдө. Ал эми тергөө амалдарын жүргүзгөн прокуратура өкүлдөрү гезитке байланыштуу иш мыйзамдын чегинде жүргүзүлгөндүгүн, бул ишти саясатташтыруунун кажети жок экендигин айтууда.
СДПКнын мүчөсү, Жогорку Кеңештин депутаты Осмон Артыкбаев суу-энергетика маселеси боюнча “Азаттыкка” пикирин билдирди. Анын айтымында, Кыргызстанда суу чарбасында туура эмес иш жүргүзүүдөн улам абал оорлоп баратат.
Кечээ өкмөт башчы катышкан кредиттик куржунга байланыштуу иш чара өтүп, анда эл аралык уюмдардан Кыргызстанга келген кредиттердин пайдаланышы талкууланды. Бул маселеге экс-губернатор, коомдук ишмер Анвар Артыков «Азаттыкка» көзкарашын билдирди.
Өзбекстан келерки жылга карата Кыргызстанга газдын баасын дагы кымбаттатышы күтүлүүдө. “Кыргыз газ” ачык акционердик коомунун маалыматына караганда буга көгүлтүр отко дүйнөлүк баанын жогорулашы себеп болууда. Мунун кесепети барып келип карапайым калктын жашоосуна оорчулук келтирет деген пикирлер да айтылууда.
Дагы жүктөңүз
