"Азаттыктын" Бишкектеги бюросунун кызматкери, журналист, педагог-режиссер.
Бул күндөрү “Ата мекен” партиясынын төрага орун басары Ташболот Балтабаев Баткен облусун кыдырып жүрөт. “Азаттык” үналгысы ага бир нече суроолорду узатты.
2005-жылы 17-июндагы контрреволюциядан кийин Кыргызстандан качып кетүүгө аргасыз болгон Урмат Барыктабасовдун учагы 24-майда “Манас” аба майданына конмок. Бирок аэропорттун жетекчилиги конууга уруксат берген эмес. Буга байланыштуу “Азаттыктын” айрым суроолоруна “Мекен туу” партиясынын төрагасы Кенжаалы Сарымсаков жооп берди.
Жалал-Абаддан "Азаттыктын" таңкы түз обосуна байланышка чыккан коомдук ишмер Тойгонбек Калматов ачыкка чыккан Максим жана Жаныш Бакиевдин сүйлөшүүсүн элин, мекенин сүйбөгөндөрдүн айтар сөзү деп баалайт.
Айрым "акжолчу" депутаттар өлкөнүн туруктуулугу үчүн парламент өзүн-өзү таратсын деген демилге көтөрүп чыгышты. Убактылуу өкмөт биринчи декрети менен эле Жогорку Кеңешти тараткан болчу.
Кыргызстандын Конституциясынын жаңы редакциясы Убактылуу өкмөт тарабынан жактырылып, коомчулукка жарыялануу алдында турат. Аталган документ 27-июнда бүткүл элдик референдумга коюлат. Жаңы Баш мыйзамдын долбоору боюнча президент алты жылга бир эле мөөнөткө шайланат жана анын ыйгарым укуктары кыйла эле чектелди.
Конституциялык кеңешме Баш мыйзамдын долбоорун иштеп бүтүп, Убактылуу өкмөттүн кароосуна тапшырды. Конституциялык кеңешменин төрагасынын орунбасары Ашырбек Бакаев "Азаттыкка" маек куруп, соңку долбоордо аралаш мамлекеттик башкаруу тандалып алынганын билдирди.
“Эл үнү” апталык берүүсүнө кайрылган бир катар угармандар Конституциянын жаңы долбооруна карата пикирлерин билдиришип, айрымдары Кыргызстан кыйын кезеңди башынан өткөрүп жатканда биримдикте болуп, бардык тоскоолдуктарды жалпы улуттук ынтымак менен жеңүү керектигин айтышты.
Борбор калаадагы абал, чек аралардын жабылышынын экономикага тийгизген таасири тууралуу Бишкек шаар башчысынын милдетин аткаруучу Иса Өмүркулов “Азаттыкка” маек курду.
“Эл үнү” программасына кайрылган угармандар Конституциянын жаңы редакциясынын долбоору коомчулукта талкууланып жатканына пикирлерин билдиришип, үн кошууда. Ошону менен катар айрым угармандарыбыз кыргызстандыктарды бөлүнүп-жарылууга жол бербей, ынтымактуу болууга, сабырдуулукка үндөдү.
Убактылуу өкмөт Улуттук телеканалды Коомдук телекөрсөтүүгө айлантуу аракетин көрүп, жакын арада анын байкоочу кеңеши түзүлөөрүн жарыялады. Бул маселе боюнча “Азаттыктын” суроолоруна УТРКнын мурдагы бийликтин тушунда түзүлүп, иштебей жатып тарап кеткен байкоочу кеңешинин мүчөсү Исмаил Шайбеков жооп берди.
Убактылуу өкмөт башчысы Роза Отунбаеванын Москвадагы сапары тууралуу тышкы иштер министринин милдетин аткаруучу Руслан Казакбаев кеп салып берди.
Убактылуу өкмөт төрайымы Роза Отунбаеванын катышуусунда өткөн Масилет кеңешинин алгачкы отурумунда кадр саясаты, мыйзамдын сакталышы, жумушсуздук маселеси көтөрүлдү.
Убактылуу өкмөт башчынын орун басары, каржы министринин милдетин аткаруучу Темир Сариев өлкөдө тартип, саясий кырдаал, финансылык маселелер турукташканын, апрель айында бүджет 97 пайыз аткарылганын билдирди.
“Айат пресс” гезити “Азаттыктын" "Ыңгайсыз суроолор" берүүсүнүн эфирге даярдала элек вариантын эч кандай уруксаты жок бүгүнкү санына басып чыкты. Гезит редактору Жылдыз Мусабекова мунун себебин сенсация издөө менен байланыштырууда.
Убактылуу өкмөт 7-апрелдеги ыңкылаптан бери жабык турган кыргыз-казак чек арасы 5-майда ачылышы ыктымалдыгын, казак тарап ага макулдук бергенин билдирген эле. Бирок бул күнү чек ара ачылган жок. Бул маселе боюнча "Азаттыктын" суроолоруна Кыргызстандын Чек ара кызматынын төрагасынын орун басары Чолпонбек Турусбеков жооп берди.
Женевада БУУнун Адам укуктары боюнча Кеңешинин жыйынында Кыргызстандын делегациясынын өлкөдөгү адам укуктарынын абалы жөнүндө баяндамасы угулду. Бул жыйында кандай сөз болгондугун "Азаттыкка" акыйкатчы Турсунбек Акун айтып берди.
Экологияны коргоо жана токой чарба агенттигинин жетекчисинин милдетин аткаруучу Топчубек Тургуналиев кыргыз тили менен катар, англис жана орус тилдерин милдеттүү түрдө окутуу жөнүндө жоболорду Баш мыйзам долбооруна киргизүүнү сунуш кылууда.
“Эл үнү” программасына кайрылган угармандар түндүк-түштүк маселесин көтөрүп жаткан адамдарды жоокерчиликке тартууну, Убактылуу өкмөттү өлкөдө туруктуулукту камсыз кылууга чечкиндүү чара көрүүсүн өтүнүштү.
"Үч үчүн” коомдук уюмдун жетекчиси Аскарбек Сманбаев Шайлоо Кодексине өзгөртүүлөрдү жана толуктоолорду киргизүү демилгеси менен Убактылуу өкмөткө кайрылды.
7-8-апрелде кандуу булоондо курман болгон балдарды акыркы сапарга узатуу боюнча иштеп жаткан коомдук комиссиянын төрагасы Каныбек Иманалиев "Азаттыкка" ушул комиссиянын иши боюнча чыгып жаткан айрым суроолорго жооп берди.
Дагы жүктөңүз
