"Азаттыктын" Бишкектеги бюросунун кызматкери, журналист, педагог-режиссер.
Конституциялык кеңештин мүчөсү Ишенбай Кадырбеков БШКнын жаңы курамын түзүү, баш мыйзамдын жаңы долбоору боюнча суроолорго жооп берди.
“Демократия жана жарандык коом үчүн” коалициясынын жетекчиси Динара Ошуракунова кандай режим болсо да шайлоо системасынан башталат, ошондуктан БШКны калыс, акыйкат түзүү керек деп эсептейт.
“Эл үнү” программасына кайрылган угармандар экс-президент Курманбек Бакиевдин Минскиден жасаган билдирүүсүнө нааразы болуп, аны Кыргызстанга алып келип, мыйзам алдында жоопко тартуу керектигин айтышты.
Бүгүн Журналисттер биримдиги Айни жана Чапаев көчөлөрүнүн кесилишиндеги эл алуу багында ишембилик өткөрдү. Бул иш-чара тууралуу аталган биримдиктин жетекчиси Марат Токоев “Азаттыкка” маек куруп берди.
23-апрелде УТРКнын “Ала Тоо” программасынын 70ке жакын кызматкери иш таштап, бүгүн да кызматка чыккан жок деген маалымат бар. Мунун чоо-жайын билүү үчүн “Азаттык” УТРКнын башкы директору Кубат Оторбаев менен байланышты.
Орусиянын президенти Дмитрий Медведевдин Кыргызстанга карата жүргүзгөн саясаты, өлкөнүн келечеги тууралуу “Азаттыкка” саясат таанучу Улан Жуманаев маек курду.
Адам укуктары, өлкөдөгү соңку саясий кырдаал, 7-апрелдеги окуяларды иликтөө боюнча комиссиянын иши тууралуу акыйкатчы Турсунбек Акун “Азаттыкка” маек курду.
Саламаттыкты сактоо министринин милдетин аткаруучу Дамира Ниязалиева 7-апрелдеги кандуу кагылышта жараат алгандарга кандай жардам көрсөтүлүп жатканы тууралуу суроолорго жооп берди.
Адам укуктары боюнча кыргыз комитетинин төрагасы Рамазан Дырылдаев Беларус президенти А. Лукащенконун колтугуна барып жашынган экс-президент К. Бакиевди Эл аралык кылмыш соту аркылуу жоопкерчиликке тартуу кыйла кыйыш экенин билдирди. Анткени, бул үчүн БУУнун атайын чечими керек, мындай маселени БУУнун Коопсуздук Кеңешиндеги Кытайга окшогон ири өлкөлөр өткөрбөй да коюшу мүмкүн.
Өлкөдөгү соңку саясий кырдаал, Убактылуу өкмөттүн иш-аракеттери, алдыдагы пландары тууралуу “Азаттыкка” академик Оморбай Нарбеков маек курду.
“Мекен шейиттери” кыймылынын мүчөсү Арстан Сагындыковдун 31 жаштагы уулу Талант Сагындыков 7-апрелде аянтта окко учкан эле. Ушул окуянын айланасында Арстан Сагындыков “Азаттыкка” маек курду.
Жалал-Абадда Курманбек Бакиевдин жактоочулары тынчыбай митинг өткөрүп жатышат. 19-апрелде алар өздөрү облуска губернатор шайлашып, областтык бийлик имараттарын ээлеп алуунун аракетин көрүп жатышат. Жалал-Абадагы кырдаал жөнүндө Жогорку Кеңештин мурдагы депутаты, коомдук ишмер Жусупжан Жээнбековдун көз карашын сурадык.
Жалал-Абаддагы экс-президенттин жактоочулары өткөрүп жаткан каршылык акциясына ЖАГУнун студенттери катышкан жок. Бул жөнүндө "Азаттыкка" Жалал-Абад мамлекеттик университетинин ректору Ташмамбет Кененсариев билдирди. Анын баамында азыркы кырдаалды жөнгө салууда күч колдонуу туура эмес болот, бардык каршылыктарды сүйлөшүү, түшүндүрүү жолу менен чечиш керек.
Бишкек шаарында жана анын жака белинде жер бөлүп берүү, сатуу, каттоо иштери токтотуу боюнча Убактылуу өкмөттүн декрети даярдалып жатат. 7-апрелдеги окуялардан кийин шаарда жеке менчиктеги же шаар бийлигине караштуу жерлерди басып алуу көрүнүштөрү күчөдү. Бишкек шаар башчысынын милдетин аткаруучу Иса Өмүркулов шаардагы жер басып алуу аракеттери мыйзамсыз экенин "Азаттыктагы" маегинде билдирди.
“Эл үнү” программасына кайрылган угармандар өлкөдө кырдаалды жөнгө салууга убактылуу өкмөттү колдоо керектигин айтышып, ынтымакка чакырышты. Азыркы убактылуу өкмөткө ишенбегендер дагы болду.
Убактылуу өкмөттүн төрайымы Роза Отунбаева бүгүн телекөрсөтүү аркылуу элге кайрылып, кулатылган президент Курманбек Бакиев эл аралык уюмдардын, ири үч мамлекеттин жетекчилеринин кийлигишүүсү менен өлкөдөн чыгарылганын, алар Бакиевди эл аралык комиссиянын иликтөөсүнүн жыйынтыгы боюнча жоопккерчиликке тартууга кепилдик бергенин билдирди.
Апрел ыңкылабында Ички иштер органынын эки кызматкери каза болуп, алты жүздөн ашуун милиция түрдүү жаракат алып, алтымышка чукулу ооруканада, төртөө реанимацияда, экөөнүн абалы оор.
"Ысык-Көл-инвест" банкынын мурдагы ээси Болот Байкожоев эки-үч жылдан бери Курманбек Бакиевдин бийлигинин куугунтугуна кабылганын "Азаттыкка" берген маегинде кеп салып, азыркы кырдаалга өз баасын берди.
Жаңы убактылуу өкмөт М. Бакиевге түздөн түз бай ийген жана башка банктарга тышкы башкаруучу коюп, капиталдын чыгып кетишине бөгөт коюуда. Ал эми кандуу демонстрацияда каза болгондордун үй-бүлөсүнө мамлекет эсебинен бир миллион сомдон жардам берилет. Бул жөнүндө Убактылуу өкмөттүн башчысынын каржы жана кредиттер боюнча орун басары Темир Сариев “Азаттыкка” билдирди.
Саясат талдоочу Турат Акимовдун баамында Кыргызстанда 7-апрелде оппозиция бийликке келгенден кийин бул өлкөгө карата Москва жана Вашингтондун ортосунда геосаясий оюндар башталды. Ошондуктан азыр убактылуу өкмөт башындагы Роза Отунбаева эл аралык саясатка кыраакы көз салып, жаңылбаган чечимдерди кабыл алышы керек.
Дагы жүктөңүз
