"Азаттыктын" Прагадагы кеңсесинин кызматкери. Кыргыз улуттук университетинин чет тилдер факультетин аяктаган.
Орусиянын Улуттук хоккей федерациясы 80 миң швейцария франкы же 85 миң АКШ доллар айып пул төлөөгө милдеттендирилди.
Президент Франсуа Олланд Амстердам - Париж каттамындагы поездде ок атууга аракеттенген кишини куралсыздандырган төрт чет өлкөлүк жаранды Франциянын эң жогорку Ардактуу Легион ордени менен сыйлады.
Түркияда мөөнөтсүз парламенттик шайлоо 1-ноябрда өткөрүлүшү мүмкүн. Коалиция боюнча сүйлөшүүлөр жыйынтыксыз аяктаган соң өлкөнүн Борбордук шайлоо комиссиясы ушул датаны сунуш кылды.
Каирде бейшембиге караган түнү дүрмөттөлгөн машина жарылганда кеминде 20 киши жараат алды. Окуя күч органдарынын имаратынын жанында болгон.
Өзбекстандын президенти Ислам Каримовдун кызы Гулнара Каримовага тиешеси бар коррупциялык схемаларга аралашкан деген шек боюнча 9 киши камалды.
Орусия Батыштын санкция киргизилген продукциясын өлкөдөн оолак кармоо үчүн тамак ашты мештерде өрттөп, бульдозерлер менен тепселетип жаткан кезде кошуна Беларустун президенти азык-түлүк коопсуздугу маселесин өз колуна алгандай.
Кыргыз өкмөтүнүн АКШ менен кызматташуу келишимин денонсациялоо чечими өз ара көмөктөшүү программасына залакасын тийгизиши мүмкүн.
Алматы шаар соту жынысын өзгөрткөн соң иштен алынган полициячынын арызын канааттандырбады. Моралдык зыяндын ордун толтуруу доосу да четке кагылды.
Орусияда Кыйноолорго каршы комитет деп аталган бейөкмөт уюм жабылууда. Январда бийлик аны “чет өлкөлүк агенттер” тизмесине киргизген. Жакында болсо комитеттин Чеченстандагы кеңсеси аламандаган топтун чабуулуна туш болгон.
Башкырстандын баш калаасы Уфада 8-июлда БРИКСтин саммити башталды.
Европа биримдигинин тышкы саясатын жетектеген Федерика Могерини Иран менен алты өлкөнүн сүйлөшүүлөрү дагы бир нече күнгө созуларын билдирди.
Эл аралык Валюта фонду Афины өкмөтү кайрылса, жардам берүүгө даярдыгын билдирди. 8-июлда Еврозонага кирген өлкөлөрдүн лидерлери саммитке чогулушмакчы.
Жапонияда жаңы арал пайда болду. Эски континенттин бир катар өлкөлөрүндө термометрлер рекорддук чекке жетип жатат. Мадриддеги музейде Пол Гогендин дүйнөдөгү эң кымбат сүрөтү коюлду.
Кыргызстандын экс-президенти Роза Отунбаева парламенттик системага өткөндөн кийин шайланган Жогорку Кеңештин 5 жылдык ишмердүүлүгү, алдыдагы парламенттик шайлоо жана өлкөнүн Евразия экономикалык биримдигине кирүүсү боюнча "Азаттыктын" Прага студиясында суроолорго жооп берди.
"Фридом Хаус" уюмунун 29 өлкөдөгү абалды талдаган баяндамасында өткөн жылы Орусиядагы демократияга мурда болуп көрбөгөндөй тоскоолдуктар болгону белгиленет.
Брюсселде Евробиримдиктин чукул саммити башталууда. Евромейкиндикке кирген өлкөлөрдүн лидерлери Грециянын карызы боюнча кризисти жөнгө салууга аракет көрүшмөкчү.
20-июнда качкындардын эл аралык күнү белгиленүүдө. Аны утурлай БУУ жарыялаган маалыматка ылайык, дүйнөдө качкындардын саны 59 жарым миллион кишиге жетти.
Бир нече күн мурун Ислам кызматташтык уюмунун Европа биримдигиндеги элчиси, азербайжандык дипломат Ариф Мамедов Фейсбукта жазган ой-пикирине байланыштуу кызматынан алынганы тууралуу кабар тараган.
Сириялык күрттөрдүн аскер бөлүктөрү АКШ учактарынын колдоосу менен 15-июнда Түркия менен чек арадагы Тел-Абьяд шаарынан "Ислам мамлекети" радикал тобунун согушкерлерин сүрүп чыгарышты.
Бакуда полиция кызматкери көзөмөл камерасына тартылган видеону шардана кылгандыгы үчүн жумуштан алынды.
Дагы жүктөңүз
