"Азаттыктын" Бишкектеги бюросунун кызматкери, журналист. 2015-жылы Жусуп Баласагын атындагы Кыргыз Улуттук университетинин журналистика факультетин аяктаган.
Бишкектин чок ортосундагы Фрунзе атындагы айыл чарба машиналарын чыгаруучу заводду көпчүлүк жакшы билсе керек. Убагында бул ишкананын пресс-подборщиктери союздук республикаларда эле эмес, Европа өлкөлөрүнө чейин сатылып турган.
25-сентябрда Жогорку Кеңеш Кыргызстандын мурдагы президенти Аскар Акаевдин "экс-президент" макамын калыбына келтирип берүү боюнча депутаттык комиссия түзүү тууралуу арызын талкуусуз четке какты. Акаев Жогорку Кеңешке кайрылып, ага "экс-президент" макамын калыбына келтирип берүүнү суранган.
УКМК Бишкектеги Фрунзе заводунун имараттары, 71,2 гектар жери убагында мыйзамсыз менчиктештирилип кеткенин билдирип, мэрия аркылуу мамлекетке кайтарууга аракет кылып жатат. Бирок ал жерде жайгашкан ондогон компания, ишкананын ээлери тынчызданып, ишкерлик үзгүлтүккө учурай турганын айтып жатышат.
Юстиция министрлигинин "Чет элдик өкүлдүн функцияларын аткарып жаткан коммерциялык эмес уюмдарынын реестрине" үч уюм катталды. Алардын катарында ЖИА-бизнес ассоциациясы да бар.
Жаш ишкерлер ассоциациясы (ЖИА) "Чет элдик өкүлдөр" реестрине киргизилгени маалым болду. Буга чейин бул тизмеге кирген айрым бейөкмөт уюмдар жана долбоорлор ишин токтотуп жатканы айтылган.
Кой-Таш окуясына байланыштуу он жылга соттолуп, Бишкектеги №1 тергөө абагында отурган Алга Кылычовдун саламаттыгы начарлап, Улуттук госпиталдын жандандыруу бөлүмүнө жаткырылды.
Президент Садыр Жапаровдун басма сөз катчысы Аскат Алагөзов дин чөйрөсүн жөнгө сала турган мыйзам долбоорун “дааватка каршы” деп атоо туура эместигин белгилеп, коомчулукту бул теманын айланасында бурмаланган маалымат таратуудан алыс болууга чакырды.
Кыргызстан “Талибан” кыймылын тыюу салынган уюмдардын тизмесинен чыгарды. Бул маалыматты Тышкы иштер министрлиги тастыктады. Кыргыз бийлиги 2006-жылы бул кыймылды террордук уюмдардын тизмесине киргизген. Буга чейин Орусия менен Казакстан "Талибан" кыймылын "кара тизмеден" чыгарган.
Мурдагы президент Аскар Акаев "экс-президент" макамын калыбына келтирүү өтүнүчү менен Жогорку Кеңешке кайрылды. Ал 2005-жылы 24-мартта үй-бүлөлүк, авторитардык, коррупциялык бийликке каршы чыккан элдик толкундоонун арты менен бийликтен кулатылган.
Кыргызстандын мурдагы президенти Аскар Акаев Жогорку Кеңешке экс-президент макамын калыбына келтирүүнү өтүнүп кат жибергени белгилүү болду. Бул маселе келерки аптада тиешелүү комитетте каралып, андан соң депутаттык комиссия да түзүлүшү мүмкүн.
Кыргызстанда Эгемендиктин 33 жылдыгы белгиленип жатат. «Азаттык» Эгемен Кыргызстандын каармандары - дарыгер Сыргак Турдалиев, акын Саид Султан жана активист Мубина Орумбаева менен баарлашып келди.
Орус парламентине мигранттарга үй-бүлөсүн Орусияга алып кирүүсүнө тыюу салган мыйзам долбоору сунушталды. Ага чейин ушундай эле өңүттөгү эки документ кабыл алынган. Соңку учурда Орусияда мигранттарга мамиле катаалдашып, “Крокус ситидеги” окуядан кийин абал ого бетер курчуганы белгилүү.
Кыргызстанда диний агартуу жаатында түзүлгөн “Ыйман” фондунун ишмердигине байланыштуу жаңжал чыкты. Фонддун ишмердигин текшерген аудит Түркиянын өкмөтү бөлгөн 5 миллион доллардан ашык акчанын отчету жок экенин аныктаган. Бул иш боюнча фонддун мурдагы эсепчиси камакка алынды.
Кыргызстанда диний агартуу жаатында түзүлгөн “Ыйман” фондунун ишмердиги боюнча жаңжал чыкты. Фонддун ишмердигин текшерген аудит Түркиянын өкмөтү бөлгөн 5 миллион доллардан ашык акчанын отчету жок экенин аныктаган. Бул иш боюнча фонддун мурдагы эсепчиси камакка алынды.
“Кактус Медиа” басылмасы өз булактарына таянып, кримтөбөл Камчы Көлбаевдин өкүл атасы делген Азим Ройго козголгон кылмыш иши токтотулганын жазып чыкты. УКМК 2023-жылы ноябрда Азим Ройго, 2024-жылы мартта анын жубайына издөө жарыялаган. Экөө тең криминалдык топтор менен байланышы бар деп айыпталган.
Улуттук телерадиоберүү корпорациясынын директорунун мурдагы орун басары, журналист Адыл Акжол уулу кайсы иш боюнча кармалганы белгилүү болду. Анын адвокаты журналистке Айтурган Маматкулованын өлүмү боюнча жасаган материалына байланыштуу иш козголгонун айтты.
УКМКнын төрагасы Камчыбек Ташиев өлкөдө коррупция жана криминалга каршы күрөштүн кезектеги этабы аяктап, калктын коопсуздугуна бардык шарттар түзүлүп келатканын билдирди. Ал тапта коррупцияга каршы күрөштүн алкагында мүлкү мамлекетке өткөн айрым ишкерлердин жакындары мыйзам бузулганына даттанууда.
8-августта Бишкектин Октябрь райсоту кримтөбөл Камчы Көлбаевдин апасы Мая Алиеваны “Кылмыштуу жол менен алынган кирешени мыйзамдаштыруу (адалдоо)” беренеси менен күнөөлүү деп таап, жети жылга кесип, шарттуу түрдө жаза чегерди. Алиевага катталган мүлктүн баасы 2,2 млрд. сом экени айтылып жатат.
Улуттук коопсуздук боюнча мамлекеттик комитет (УКМК) өзбекстандык кримтөбөл Салим Абдувалиевге Интерполдун линиясы менен издөө жарыялап, Октябрь райондук соту аны сыртынан камакка алууга чечим чыгарды. Абдувалиев ушул жылы 19-мартта Өзбекстанда алты жылга кесилип, ошондон бери абакта отурат.
Дагы жүктөңүз
