Көз карандысыз байкоочулар Украина жаңжалына байланышкан Орусиядагы экономикалык кризис Кыргызстанда жумушсуздуктун өсүшүн шарттап жатканын айтышууда. Буга биринчи кезекте мигранттардын маяналарынын азайышы жана жумушсуз калып жатышы себеп болууда. “Азаттыктын” кабарчылары Кыргызстандагы жумушсуздуктун себептерин, иши жок жүргөндөрдүн жан багуу аракеттерин иликтеп көрүштү.
Кыргызстандыктарды жумуш менен туруктуу жабдып келаткан эки ири тармак – жеңил өнөр жай жана курулушта быйыл иш орундар кыскарып, алардын эсебинен жумушсуздардын катары өсүп жатат. «Азаттык» тактаган маалыматтарга караганда, Кыргызстанда иш орундарынын азайышына Орусиядагы экономикалык кризис олуттуу таасирин тийгизүүдө. Темага кененирээк кабарчыбыз Зайырбек Ажыматов токтолот.
Сиздин браузер HTML5 ыкмасын колдобой жатат.
Иш орундар кыскарып, ишсиздер көбөйдү
Баткенде расмий маалымат боюнча жумушсуздардын саны өтө деле көп эмес. Бирок аймактан жумуш таппай жаз алды менен Чүй жана Ноокат тарапка агылгандардын саны акыркы кезде арбыды. Баткендеги кабарчыбыз Жеңиш Айдаров жумушсуз жүргөндөр менен жолуккан.
Сиздин браузер HTML5 ыкмасын колдобой жатат.
Айылдан борборго агылгандар
Расмий маалымат боюнча Кыргызстанда жумушсуздуктун орточо деңгээли бүгүнкү күндө 8% ашуун. Бул тууралуу бүгүн "Азаттыкка" Эмгек, жаштар жана миграция министрлигинин Калкты иш менен камсыз кылууга көмөктөшүү саясаты башкармалыгынын башчысы Аида Ажихожоева билдирди. Анын айтымында, жумушсуздук маселеси айрыкча Баткенде жана Нарында курч. Маекти уюштурган кабарчыбыз Рахат Кеңешова.
Сиздин браузер HTML5 ыкмасын колдобой жатат.
Иш издегендердин саны азая элек
500 миңге жакын калк жашары айтылган Ош шаарында 2400 адам жумушсуз деп расмий катталган. Ал эми мамлекеттик жана жеке секторлордо расмий иштегендердин саны да көп эмес. Иш орду барлардын да жумушсуздардын да катарына кошулбаган жүз миңдеген адам кантип тирилик кылууда? Кененирек аймактык кабарчыбыз Ыдырыс Исаков баяндайт.
Сиздин браузер HTML5 ыкмасын колдобой жатат.
Иши жоктордун тирилиги
Бишкекте жумушсуздардын көбү эмгек биржалары аркылуу күндөлүк ар кандай кара жумуштарда жалданып иштеп, жан багышат. Лев Толстой көчөсүн бойлой жайгашкан Бишкектеги жумушсуздардын бейрасмий ири биржасына кабарчыбыз Эмил Чекиров барып келди.
Сиздин браузер HTML5 ыкмасын колдобой жатат.
"Иш берчүлөр бар бекен?"