Эл үнү

Бишкек: Тергөө абагында кармалгандар сабалганбы?

Бишкек шаарындагы №1 тергөө абагынын алдына камактагылардын жакындары чогулуп, Жаза аткаруу кызматынан абактардагы абал боюнча түшүндүрмө талап кылышты. Он чакты адам абакта жаткан жакындары сабалганы тууралуу маалымат алышканын, алардын абалына тынчсызданып жатканын билдиришти.

2024: Тыйылбаган зомбулук, бөөдө ажал тапкан кыз-келиндер

Айжан, Рахима, Айкыз, Дарья жана башка кыз-келин жакын адамдарынын колунан ажал таап, жаңырган 2025-жылды көрбөй кетишти. Ички иштер министрлигинин маалыматына караганда, ушул жылдын 10 айында эле 14 293 үй-бүлөлүк зомбулук фактысы катталды. Бул 2023-жылдын ушул мезгилине салыштырмалуу 37,2% көп.

Орус армиясы Киевди ракета менен аткылады

Орус армиясы Украинанын аймагынаракета менен жапырт сокку урду. Орусиянын Коргоо министрлиги Украинанын аймактарына жасалган 20-декабрдагы чабуулду "украин армиясынын Батышын куралы менен орусиялык объектилерге жасаган соккуларына жооп" катары түшүндүрдү.

2025-жылы Орусиядагы мигранттарды эмне күтөт?

Курултай: Экологияны коргоо, жаштарды колдоо, мектеп, бала бакча

Бишкекте элдик курултай өтүп жатат. Ага келген делегаттар аймактардагы социалдык көйгөйлөргө басым жасап, таза суу, трансформация иштери, саламаттык сактоо, жол сыяктуу көйгөйлөрдү көтөрүүдө.

40 миң киши кезекте турат. Мамлекеттик ипотеканын тизмеси кандай түзүлөт?

Парламент депутаты Чыңгыз Айдарбеков мамлекеттик ипотекалык батирлердин кезеги боюнча айрым жарандар арасында нааразычылык жаралганын айтып чыкты. Мамлекеттик ипотекалык компания айрымдарга кезекке турууда социалдык абалына жараша артыкчылык берилгенин түшүндүрдү.

Мамлекеттик ипотека: Батир үчүн кезекти ким көзөмөлдөйт?

Жогорку Кеңештин депутаты Чыңгыз Айдарбековго отуздай киши кайрылып, жакында Бишкекте берилген батирлерди алгандар арасында арткы кезекте турган жарандар да бар экенин айтышкан. Президенттин иш башкармалыгы жана Мамлекеттик ипотекалык компания депутаттын айткандарын четке какты.

"Камчыбек Ташиевден жардам сурайм". Зомбулукка кабылган Мырзайымдын арыз-муңу

Ошто аялын жана кайненесин сабаган деп шек саналган 35 жаштагы жаранга кылмыш иши козголуп, бир айга камалды. Токмоктолгон 24 жаштагы келин күйөөсүн жоопко тартууну суранып, бул ишти калыс териштирүү үчүн УКМКнын төрагасы Камчыбек Ташиевге жардам сурап кайрылды.

Жалаа, мазактоо үчүн айыпка жыгуу: Мыйзам текши иштейби?

Жогорку Кеңеш интернетте, жалпыга маалымдоо каражаттарында жалаа жабууга, мазактоого айып пул салган мыйзам долбоорун үчүнчү окууда кабыл алды. Эми жалган маалымат тараткан адамга 20 миң сом, аны жарыялаган медиага 65 миң сом айып пул салынат. Мыйзамдын аткарылышына ИИМ жоопкер болот.

Москва: Өзбек жараны генералды өлтүрүүгө шектелип кармалды

Орусия генерал Игорь Кирилловду өлтүрүүгө шектелген киши кармалганын, ал украин атайын кызматы жалдаган Өзбекстандын жараны экенин маалымдады. Ал эми Өзбекстандын Тышкы иштер министрлиги кармалган жараны тууралуу маалымат аларда азырынча жок экенин билдирди.

"Рак оорусу барларды Түркияга жиберүү бизнеске айланды"

Кыргызстанда өткөн жумаларда 120га жакын онкологиялык илдеттерди заманбап ыкма менен аныктай турган инновациялык санарип лаборатория ачылды.