Өзгөчө кырдаалдар министрлиги (ӨКМ) 28-мартта саат 16:56да Талас облусунун аймагында күчү 5,3 магнитудасына жеткен жер титирөө болгонун билдирди. Жер титирөө Бишкек шаарында да сезилди.
Ушул тапта жердин силкинүүсүнөн жабыр тарткандар тууралуу маалыматтар такталып жатат.
28-марттын таңында (саат 04:42де) Казакстандын аймагында күчү очогунда 5,5 магнитудасына жеткен жер титирөө болгон. Жердин силкинүүсү Кыргызстандын Талас районунун Көпүрө-Базар айылында 5 балл, Чүй облусунун Жайыл районунун Кара-Балта шаарында жана Бишкек шаарында болжол менен 4 баллга чейин сезилген.
Талас районунун Каракол айыл аймагынын Көпүрө-Базар айылында 17 турак жайдын дубалдарынан майда жарака кеткен.
Жер титирөөгө байланыштуу Кыргызстанда айгай жарыяланып, Өзгөчө кырдаалдар министрлигинин борбордук аппаратында жана Кризистик кырдаалдарда башкаруу борборунда жыйын өткөн. (BTo)