Жогорку Кеңештин депутаттарына кызматтык автоунаа берилиши мүмкүн

Жогорку Кеңеш.

Жогорку Кеңеш.

Парламенттин депутаттарына кызматтык автоунаа берилиши мүмкүн. “Жогорку Кеңештин депутатынын статусу жөнүндө” тиешелүү мыйзамга президент Садыр Жапаров 11-мартта кол коюп, ал 14-мартта “Эркин-Тоо” мамлекеттик гезитине жарыяланды.

Документте депутаттарга кызматтык машине берүүнүн тартибин Министрлер кабинети аныктай турганы, ал эми аны колдонуу Жогорку Кеңештин жобосу менен бекилери жазылган. “Депутаттар ыйгарым укуктарын аткарууга менчик автоунаасын да пайдаланса болот” деп белгиленген.

2022-жылы Жогорку Кеңештин аппаратынын түзүмүн караган жабык жыйында депутаттардын жардамчысы жана бирден кеңешчиси гана калтырылган. Андан тышкары Дастан Бекешевге гана кошумча дагы бир жардамчы жана кызматтык автоунаа берилген.

Садыр Жапаров 2021-жылы Жогорку Кеңештин жана президенттин иш башкармалыгын бириктирген. Мамлекет башчынын бул жарлыгы бюджеттин чыгымын азайтуу менен байланыштырылган.

Жогорку Кеңештин VII чакырылышы ишин баштагандан кийин бир катар депутаттар парламенттин иш башкармалыгы өзүнчө болушу керектигин айтып, аны депутаттар муктаждыктарын өз алдынча чече албай калары менен түшүндүрүшкөн. Ошондой эле кызматтык автоунаа маселеси утур-утур көтөрүлүп келаткан.

Садыр Жапаров буга жооп берип, президенттин иш башкармалыгы бардык бийлик бутагына бирдей кызмат кыларын билдирген. (BTo)

Дагы караңыз

Достук айылынан көчүрүлө турган элге турак жай салуу башталдыЖогорку окуу жайга абитуриент кабыл алуу жол-жобосун өзгөртүү сунушталуудаШыкмаматов курулуш компанияларын, архитектор жана дизайнерлерди салык төлөөдөн качпоого чакырдыAmerican Airlines компаниясынын учагында өрт чыгып, жүргүнчүлөр эвакуацияландыТүрк жарандарына күйөөгө тийген чет элдиктердин ичинен өзбек аялдары экинчи орунду ээледиПутин Украина менен элдешүү сунушуна макул, бирок талкуулай турган "жагдайлар" бардыгын айтты БУУнун баш катчысы Гутерриш кыргыз-тажик чек арасы чечилгенин кубаттады