Кыргызстандын эмгек сиңирген юристи, юридика илимдеринин доктору, мурдагы баш прокурор Асанбек Шаршеналиев 85 жашка караган курагында дүйнөдөн кайтты. Анын сөөгүн жерге берүү зыйнаты 13-декабрда болот. Бул тууралуу жакындары "Азаттыкка" билдиришти.
Асанбек Шаршеналиев Кыргызстанда Конституциялык соттун төрагасы, баш прокурор, Юридика институтунун ректору кызматтарын аркалаган.
Эгемен Кыргызстандын тарыхында баш прокурорлук кызматта эң узак - 1993-2000-жылдары иштеген.
Асанбек Шаршеналиев 1940-жылы Жумгал районунун Кызыл-Туу айылында туулган.(ZKo)