Орусия Украинанын Донецк облусундагы стратегиялык мааниси бар Покровск шаарын карай чабуулдарында “эки негизги тактикалык операцияны” ишке ашырып жатат. Бул тууралуу Согушту изилдөө институту (ISW) билдирди.
Биринчиси, уюмдун 29-августтагы маалыматына караганда, Покровск шаарынын чет жакасына жетиш үчүн чыгыш тарапты көздөй Новогродовка шаарынан Гродовка кыштагына чейинки аралыкта жүрүүдө.
Экинчиси Покровск шаарынын түштүк-чыгышында Селидово – Украинск – Горняк багытында “украиндердин контрчабуулдарына туруштук бериле албай калышы мүмкүн болгон жерлерди жоюу жана орус аскерлеринин мүмкүнчүлүктөрүн кеңейтүү” экени белгиленди.
Орусия Украинага 2022-жылдын 24-февралында жерден жана абадан кол салып, “атайын аскердик операция” баштаганын жарыялаган. Украина орус аскерлери жайкын тургундарын өлтүрүп, жарандык инфраструктурасын тынымсыз талкалап келатканын билдирүүдө. (RK)
Дагы караңыз
Жумуртка импортуна киргизилген чектөө 3-сентябрда алынатУКМК Бишкекте мыйзамсыз жүргөн 42 чет өлкөлүк жаран аныкталганын билдирдиНуржигит Кадырбеков мандатын тапшыруу боюнча БШКга арыз жаздыНуржигит Кадырбеков мандатын тапшырууга арыз жазды