Өзгөчө кырдаалдар министрлиги 28-июндан 2-июлга чейинки күндөрү да нөшөр жаан-чачын күтүлүп жатканын маалымдап, сел жүрүү коркунучу бар экенин эскертти.
Дарыяларда суунун деңгээли көтөрүлүшү менен кооптуу табигый процесстер төмөнкү аймактарда активдешүүсү мүмкүн:
• Жалал-Абад облусу: Аксы, Ноокен, Базар-Коргон райондору;
• Баткен облусу: Лейлек жана Кадамжай райондору;
• Ош облусу: Алай, Кара-Кулжа, Өзгөн жана Ноокат райондору.
• Чүй облусу: Кемин, Аламүдүн, Сокулук жана Жайыл райондору.
• Ысык-Көл облусу: Ак-Суу, Тоң жана Түп райондору.
• Талас облусу: Талас, Бакай-Ата райондору.
• Нарын облусу: Нарын, Жумгал райондору.
Министрлик жарандарды коопсуздук эрежелерин так сактоого чакырып, аймактардагы Жарандык коргонуу кызматтарынын күч жана каражаттарын даярдык абалда кармоону эскертти.
28-июнда Ош облусунун Ноокат районундагы Абшыр-Ата айылында сегиз жаштагы кыз селге агып каза болду. 13 жана 15 жаштагы эки өспүрүмдү издеп куткаруу иштери жүрүп жатат.
24-июнда Баткен облусундагы Кадамжай районунун Жеңиш айылында беш жашар бала селге агып каза тапкан. Өткөн аптада Жалал-Абад облусунун Ноокен районунда 10 жаштагы өспүрүм селге агып көз жумган.(ZKo)
Дагы караңыз
Казакстан: Атайын кызматтын мурдагы жетекчисине ырайым берилген жокНоокатта селден беш киши каза болгону кабарланды Каныкей Аранова сот залынан камакка алынганы кабарландыАксыда шамал 17 турак жайдын чатырын учуруп кеттиБишкек-Ош жолу таш көчкүдөн тазаланып, бир тарапка ачылды