Түркиянын түштүк-чыгышындагы дыйкан-чарба талааларында тутанган өрттөн кеминде 11 киши каза таап, 70тен көбү жараат алды. Бул тууралуу 21-июнда өлкөнүн саламаттык сактоо министри Фахреттин Кожа билдирди.
Анын айтуусуна караганда, он кишинин абалы оор. Аларга жергиликтүү ооруканаларда жардам көрсөтүлүп жатат.
Diyarbakır’ın Çınar ilçesinin Köksalan mahallesi ve Yazçiçeği köyü ile Mardin’in Mazıdağı ilçesi Yücebağ ve Yetkinler köyünde dün akşam meydana gelen yangın sebebi ile 11 kişi hayatını kaybetti, 78 kişi yangından etkilendi. Hayatını kaybedenlere Allah’tan rahmet diliyorum,…
— Dr. Fahrettin Koca (@drfahrettinkoca) June 21, 2024
Өрт Диярбакыр провинциясынын талааларында 20-майда тутанып, катуу шамалдан улам тез жайылып, коңшу Мардин аймагына чейин жеткен. Ички иштер министри Али Ерликая 21-июнга караган түнү тилсиз жоонун жайылышы чектелгенин, өчүрүү иштери уланып жатканын билдирди. Өрттүн тутанышына эмне себеп болгону азырынча белгисиз.
2021-жылы Түркиянын түштүгүндөгү токойдогу өрттөн кеминде сегиз адам каза таап, ондогон кишилер ар кандай жараат алган. Токойлорго жакын жайгашкан курорттук аймактардан туристтер чыгып кетүүгө аргасыз болуп, эс алуу жайлары бош калган.
Дагы караңыз
Салык кызматынын төрагасынын орун басары коррупцияга шектелип кармалдыУкраинада аба чабуулунан алты киши каза тапты Чүйдө “Ысык-Ата-1” чакан ГЭСи иштей баштады