18-июнда Бишкектин Биринчи май райондук сотунда прокурор Айжамал Мырзасапарова укук коргоочу Өндүрүш Токтонасыровду үч жылга абакка кесип, сот залынан камакка алууну сурады. Бул жолку отурумда тараптардын жарыш сөзү болуп, адвокат укук коргоочунун күнөөсү далилденбегенин айтып, Өндүрүш Токтонасыровду актоону өтүндү.
19-июнда укук коргоочуга акыркы сөз берилип, өкүм чыгары кабарланды.
Өндүрүш Токтонасыровго Кылмыш-жаза кодексинин “Расалык, этностук, улуттук, диний же аймак аралык кастыкты (араздашууну) козутуу” беренеси менен козголгон кылмыш иши Биринчи май райондук сотунда былтыр сентябрдан бери каралууда. 2023-жылы 2-ноябрдагы сот жараянында укук коргоочунун соцтармактардагы жазгандарына экспертиза жүргүзгөн лингвист көрсөтмө берип, активисттин жазгандары “кастыкты козуткан” деген тыянак чыккан.
Ага каршы кылмыш иши 2023-жылдын 30-мартында козголгон. Өндүрүш Токтонасыров өзү бул тууралуу үч айдан кийин, 30-июнда билген. Ошол күнү аны милиция кармап кетип, Ички иштер министрлигинин (ИИМ) Тергөө башкармалыгынын имаратында бир нече саат сурак берип чыккан. Кийинчерээк суракка күбө катары чакырылганы, Фейсбукка жазгандары боюнча лингвистикалык экспертиза дайындалганы маалым болгон.
66 жаштагы Өндүрүш Токтонасыров адам укуктары, сөз эркиндиги, чек ара, Украинадагы согуш жана башка маселелер тууралуу өз оюн ачык жазып, митинг, акцияларга чыгып келген. (BTo)
Дагы караңыз
Газада дагы 10 киши мерт болдуШыкмаматов МИКтен бошотулуп, президенттин жардамчысы болдуГермания оогандарды Өзбекстан аркылуу мекенине кайтарууну көздөйт Казакстанда абактагы активист ачкачылык жарыяладыЖогорку сот “Эркин Европа/Азаттык” радиосунун кабарчысы Курмашеваны абакта калтырды“Кытай-Кыргызстан-Өзбекстан” темир жолунун коопсуздугун Кыргызстан өзү камсыздайт